दमकमा भदौ १३ गतेसम्म लकडाउन लम्बियो

सङ्क्रमण तीव्र फैलिँदै गएको दमकमा लकडाउनलाई फेरि एक साताका लागि थपिएको छ । नगरप्रमुख रोमनाथ ओलीको अध्यक्षतामा नगरपालिकामा शनिबार बसेको कोरोना रोकथाम तथा नियन्त्रण समन्वय समितिको सर्वपक्षीय बैठकले कोरोना सङ्क्रमित बढेको भन्दै लकडाउनलाई भदौ १३ गते राति १२ बजेसम्म थप गर्ने निर्णय गरेको हो ।

४७ जना फरार मुद्दाका पक्राउ, रु १० लाख राजश्व सङ्कलन

जिल्ला प्रहरी कार्यालय तनहुँले विभिन्न मुद्दाका फरार ४७ जनालाई पक्राउ गरेको छ । अदालतबाट फैसला भई दण्ड, जरिवाना, धरौटी, कोर्ट फि र सरकारी बिगोसमेत तिर्न बाँकी भई फरार रहेका व्यक्तिलाई पक्राउ गरिएको हो । यसरी पक्राउ परेका फरार व्यक्तिबाट रु १० लाख राजश्व सङ्कलन भएको जिल्ला प्रहरी कार्यालय तनहुँले जनाएको छ ।

उपल्लो डोल्पामा चामल पुगेन

छिमेकी मुलुक चीनले अनुमति नदिँदा उपल्लो डोल्पामा चामल ढुवानी नभई आर्थिक वर्ष सकिएको छ । खाद्यान्न उत्पादनका हिसाबले अत्यन्तै कमजोर मानिएको उपल्लो डोल्पामा चीनको सिमाना हुँदै खाद्यान्न ढुवानी गर्नुपर्ने बाध्यता छ । तीन हजार क्विन्टल चामलको कोटा तोकिए पनि चामल ढुवानी हुन नसक्दा शहरतारा र तेन्जे बिक्री केन्द्रमा अहिलेसम्म एक गेडा चामल नपुगेको खाद्य व्यवस्था तथा व्यापार कम्पनी लिमिटेड डोल्पाले जनाएको छ ।

खुल्न थाले सङ्क्रमित मानवीय व्यवहार गर्न आग्रह

विश्वव्यापी रूपमा फैलिएको कोभिड–१९को महामारीबाट नेपाल अछुतो रहन सकेको छैन । पछिल्लो समय कोरोना भाइरसको सङ्क्रमण सहर, बजार हुँदै ग्रामीण क्षेत्रमा पनि पैmलन थालेको छ । कोरोना सङ्क्रमणबाट कुनै पनि पेसा, वर्ग, समुदाय र जातिका मानिसहरू स्वतन्त्र छैनन् । आफै पीडामा रहेका कोरोना सङ्क्रमितप्रति टोल, समाज र आफन्तबाट हेय र अछुतको व्यवहार हुने गरेको छ । कतिपय जानेबुझेकाबाटै कोरोना सङ्क्रमितप्रति अमानवीय व्यवहार प्रदर्शन...

सिन्धुपाल्चोकका २४२ बस्ती जोखिममा

सिन्धुपाल्चोकमा बाढीपहिरोको जोखिममा २४२ बस्ती रहेको जानकारी दिइएको छ । सदरमुकाम चौतारामा भएको प्राकृतिक विपद्का कारण जोखिममा रहेका बस्तीहरूको पहिचान र स्थानान्तरणसम्बन्धी कार्यक्रममा सो कुरा पुनर्निर्माण प्राधिकरणका प्राविधिकहरूले बताएका हुन् ।