पुल निर्माण अलपत्र

जाजरकोट, भदौ गते । छिन्चु–जाजरकोट सडकखण्डमा पर्ने विभिन्न साना तथा ठूला खोलामा पक्की पुल निर्माणको काम अलपत्र परेको छ । तीन वर्षभित्र सबै पुल निर्माणको जिम्मा लिएको ठेकेदार कम्पनीको लापरवाहीका कारण पुल निर्माण अलपत्र परेको हो । सडक विस्तार भएसँगै लामो समयदेखि ओझेलमा परेका पुल निर्माणको काम असार नजिकिएसँगै निरन्तरता पाएपनि अहिले अलपत्र अवस्थामा रहेको स्थानीयको भनाइ छ ।

शून्य रहेको मनाङमा देखिए कोरोना सङ्क्रमित   

कोरोना सङक्रमित शून्य रहेको मनाङमा पुनः नयाँ सङ्क्रमित भेटिएका छन् । लामो समयदेखि मनाङमा सक्रिय सङ्क्रमित शून्य थियो । स्वास्थ्य निर्देशनालय गण्डकी प्रदेशले आज जारी गरेको विज्ञप्तिमा मोरङको विराटनगर र चितवनको भरतपुर घर भई मनाङमा कार्यरत दुई जनामा सङ्क्रमण भएको जनाइएको छ ।

सङ्क्रमित थपिँदै गएपछि कोहलपुरमा निषेधाज्ञा पाँच दिन थपियो

बाँकेको कोहलपुर नगरपालिका क्षेत्रमा जारी गरिएको निषेधाज्ञाको अवधी पाँच दिन थप गरिएको छ । समुदायस्तरमा कोरोना संक्रमितहरु दिनदिनै बढ्दै गएपछि कोहलपुरमा साउन ३२ गतेदेखि शुक्रबार भदौ ५ गते राती १२ बजेसम्मका लागि लागु गरिएको निषेधाज्ञालाई पाँच दिन थप गरेर भदौ १० गतेसम्म जारी राख्ने निर्णय गरिएको छ ।

शरीर ढाक्न र घर चलाउन दश वर्षमै थाप्लोमा नाम्लो

कालीकोट जिल्लाका हाटबजारका मजदुर दश वर्षदेखि माथिका आधिकाँश बालबालिका छन् । स्थानीय वजारमा पल्लीधारी गर्ने मध्यका ५० प्रतिशत बालमजदुर रहेको सहजै देख्न सकिन्छ । केही पैसा कमाएर कुनै ब्यापार गर्नका लागि भन्दा पनि उनीहरु घर खर्च चलाउन र शरीर ढाक्नका लागि मजदुरी गरिरहेका छन ।

निषेधाज्ञा कडाइ गर्न प्रजिअको गस्ती: बागलुङ नगरपालिकामा निषेधाज्ञा, जिल्ला नै सुनसान

बागलुङ जिल्लाको प्रवेशद्वार तथा जिल्ला सदरमुकाम बागलुङ नगरपालिकामा निषेधाज्ञा जारी भए पछि बागलुङ जिल्ला नै सुनसान भएको छ । दश वटा स्थानीय तह रहेको बागलुङमा एउटा मात्रै नगरपालिकामा निषेधाज्ञा जारी हुँदा सबै स्थानीय तह सुनसान भएका हुन । मध्ये पहाडी लोकमार्गको मुख्य प्रवेश नाका बन्द भए पछि अन्य स्थानीय तहमा सवारी आवागमन बन्द भएको छ । बागलुङ बजारमा सवारी प्रवेश निषेध भए पछि सदरमुकाममा खाद्यन्न, दुध, एम्वुलेन्स र सरकारी...