यसरी मुहार फेरिँदै छ दिक्तेल बजारको

पुरानो संरचनाका घर, कच्ची सडक तथा जथाभावी फालिएका फोहरमैलाले दुर्गन्धित तथा कुरुप देखिने दिक्तेल बजारको मुहार पछिल्लो समय फेरिँदै गएको छ । सडक ढलान, खानेपानीको पाइप र विद्युत्को तार तथा फोहरमैला व्यवस्थापन गर्न थालिएसँगै बजारको मुहार फेरिँदै गएको हो ।

लोकमार्गमा जोखिमै जोखिम

मध्यपहाडी पुष्पलाल लोकमार्गको घोडाबाँधे–हटिया २० किमी खण्ड कालोपत्र भएको चार वर्ष पुग्यो । नियमित मर्मत तथा सुधार नहुँदा सडक लगभग पूर्ववत् स्थितिमा फर्केको छ । नालीको नामोनिसान छैन । पर्खाल जीर्ण छन् । नयाँ–पुराना पहिराले सडक कुरुप बनेको छ । कालोपत्र उप्केको छ । सडकभर खाल्डाखुल्डी छन् । यात्रामा पाइलैपिच्छे जोखिम छ । यसपालिको अधिक वर्षाले त झन सडकलाई क्षतविक्षत तुल्याएको छ ।

पासाङल्हामु राजमार्ग पुनःसञ्चालनमा

पहिरोका कारण यही साउन १९ गतेदेखि अवरूद्व पासाङल्हामु राजमार्ग पुनःसञ्चालनमा आएको छ । धुञ्चे (स्याफ्रुबीच ठूलोभार्खु डाँडामा सडक सतहमा भाँसिन गई राजमार्ग आवरुद्ध भएको थियो । राजमार्गको कुनातर्फबाट नयाँ ट्र्याक तयार गरी आइतबारबाट सवारी यातायात सञ्चालन गरिएको प्रमुख जिल्ला अधिकारी हरिप्रसाद पन्तले जानकारी दिनुभयो ।

समुदायस्तरमा कोरोना परीक्षण

समुदायस्तरमा कोरोना सङ्क्रमणको अवस्था पहिचान गर्न तनहुँका विभिन्न क्षेत्रका व्यक्तिको पिसिआर परीक्षण गरिएको छ । बढी मानिसको भीडभाड हुने कार्यालय, सुरक्षाकर्मी, सवारी चालक, ग्यारेज वर्कसप, बैंक तथा वित्तीय संस्था, कपाल काट्ने नाईलगायतको परीक्षण गरिएको जिल्ला स्वास्थ्य कार्यालयले जनाएको छ ।

सप्तरीमा एक स्थानीय तहद्वारा एक सय शय्याको आइसोलेसन निर्माण

सप्तरीको तिलाठी कोइलाडी गाउँपालिकाले कोरोना सङ्क्रमितको संख्या बढ्दै गएपछि एक सय शैयाको आइसोलेसन संचालनमा ल्याएको छ । तिलाठी कोइलाडी गाउँपालिका २ स्थित पब्लिक उच्च माध्यमिक विद्यालयमा संचालनमा ल्याइएको उक्त आइसोलेसन मा आइतबारसम्ममा सो गाउँपालिकाका २८ जना सङ्क्रमित को उपचार भईरहेको छ । यस गाउँपालिकामा अहिलेसम्ममा ८३ जनामा कोरोना सङ्क्रमणको पुष्टि भइसकेको छ । अन्य सङ्क्रमितलाई यसअघि नै राजविराजस्थित साईकृष्णा...