‘घर जान पैसा छैन, स्थानीय सरकार सुन्दैन’

जुम्ला सिजा गाउँपालिका–६ का तारा शाही १० महिने शिशु काखमा च्यापेर भारत पिथौरागढको डिडिहाटबाट धार्चुला हुँदै शनिबार दार्चुला छिर्नुभयो । गत मङ्सिरमा मजदुरी गर्न डिडिहाट पुगेका उनीहरुका परिवार स्वदेश छिरे पनि पटक्कै खुशी छैनन् । भारतमा हातमुख जोड्न परिवारका साथ गएका उनीहरुले चार महिना मात्रै काम गर्न पाए । गत चैत ११ गतदेखि बन्दाबन्दीले काम गर्न पाएनन् ।

बिरामी भर्ना लिँदैनन् अस्पताल

वीरगञ्जस्थित नारायणी अस्थायी कोभिड विशेष अस्पतालमा शङ्कास्पद कोभिड सङ्क्रमितको रुपमा उपचाररत एक महिलाको निधन भएको छ । कोभिड विशेष अस्पतालका कोअर्डिनेटर डा. उदयनारायण सिंहले अस्पतालमा उपचारको क्रममा रहेकी २० वर्षीया महिलाको शनिबार बिहानका राति मृत्यु भएको जानकारी दिनुभयो । वीरगञ्ज–२ छपकैयाकी ती महिलाको मृत्युपछि स्वाबको नमुना सङ्कलन गरिएको छ ।

सोलु खोलामा पानीको सतह बढ्याे, सेतो पोखरी फुटेको आशङ्का

सोलुदूधकुण्ड नगरपालिका–१ र २ को सिमानामा रहेको शेर्पा भाषामा चोकर्म भनिने सेतो पोखरी फुटेपछि खोला किनारमा बस्ने स्थानीय त्रसित बनेका छन् । शुक्रबार बिहानैदेखि अचानक सोलु खोलामा पानीको सतह बढेपछि नुम्बुर हिमालको काखमा रहेको दूधकुण्ड पोखरी फुटेको अनुमान गर्दै खोला किनारमा रहेका वस्तीमा सावधानी अपनाउन अपिल गरिएको थियो । खोलामा पानीको सतह बढेपछि अवस्था पहिचानका लागि दावा शेर्पा सहितको एक टोली दूधकुण्ड क्षेत्रमा...

लहानको ग्लोबल आइएमइ बैङ्क सिल

हानस्थित ग्लोबल आइएमई बैङ्कको एक कर्मचारीको पिसिआर रिपोर्ट पोजिटिभ देखिएपछि स्थानीय प्रशासनले उक्त बैङ्क सिल गरेको छ । ग्लोबल आइएमइ बैङ्कका उक्त कर्मचारीलाई केही दिन अगाडि ज्वरो आएपछि उहाँ आफैं जनकपुर प्रादेशकि अस्पतालमा परिक्षणका लागि जानुभएको थियो । उक्त परिक्षणको प्रतिवेदन शनिवार पोजिटिभ आएपछि ती कर्मचारीलाई सोही अस्पतालको आइसोलेसन कक्षमा राखिएको छ ।

सप्तरीमा हालसम्म नौ हजार पाँच सय जनाको पीसीआर परीक्षण

जिल्ल्लामा हालसम्म विभिन्न क्वारेन्टाइनमा बसेका, संक्रमितको सिधा सम्पर्कमा आएका व्यक्ति तथा शंकास्पद व्यक्ति लगायतका गरी नौ हजार ४१५ जनाको स्वाब संकलन गरी कोभिड–१९ प्रयोगशालामा पीसीआर परीक्षण गरिएको स्वास्थ्य कार्यालय सप्तरीका निमित्त प्रमुख दुनियालाल यादवले जानकारी दिनुभयो ।