बाढीले डाइर्भसन बगायो, पूर्वपश्चिम राजमार्ग अवरुद्ध

पूर्वपश्चिम राजमार्गअन्तर्गत पूर्वी नवलपरासीको गैँडाकोटमा आएको बाढीले डाइभर्सन बगाएपछि सडक अवरुद्ध भएको छ । गैँडाकोट नगरपालिका–९ थुम्सीस्थित खहरे खोलामा आएको बाढीले डाइभर्सन बगाएपछि सडक अवरुद्ध भएको हो ।

सलह किन्न पाँच लाख बजेट

झापाको अर्जुनधारा नगरपालिकाले सलह किरा खरिदका लागि रु पाँच लाख बजेट विनियोजन गरेको छ । सलहबाट कृषि क्षेत्रमा हुने क्षति न्यूनीकरणका लागि नगरले उक्त बजेट विनियोजन गरेको नगरप्रमुख हरिकुमार रानाले जानकारी दिनुभयो ।

नारायणी नदीको सतह बढ्याे

पूर्वी पहाडी जिल्लामा दुई दिनदेखीको लगातारको वर्षासँगै सुनसरीको विभिन्न नदी खोलामा बाढी आएको छ । देशकै सबैभन्दा ठूलो नदी सप्तकोशी सहित विभिन्न नदीमा आढी आएको छ । पानीको सहत खतरा माथि पुगेकाले नदी खोला क्षेत्रमा उच्च स्वर्तकता अप्नाउन प्रशासनले आग्रह गरेको छ ।

एकसय दुई झ्याले चौघराको मर्मत हुने

सयौँ वर्ष पुरानो ऐतिहासिक महत्वको दोलखाको कालिञ्चोक गाउँपालिका–८ सुनखानीमा रहेको एक सय दुई झ्याले चौघराको मर्मत हुने भएको छ । भूकम्पबाट प्रभावित चौघराको संरक्षणका लागि पुनर्निर्माण प्राधिकरणको आर्थिक सहयोग तथा पुरातत्व विभागको प्राविधिक सहयोगमा मर्मत हुन लागेको गाउँपालिका उपाध्यक्ष कालिका पाठकले जानकारी दिनुभयो ।

काभ्रेका थप तीन जनामा देखियो कोरोना

काभ्रेपलाञ्चोक जिल्लाका थप तीन जनामा कोरोना पुष्टि भएको छ । स्वास्थ्य कार्यालयका वरिष्ठ स्वास्थ्य प्रशासक डा. नरेन्द्रकुमार झाले बनेपा नगरपालिका १३ भैँसेपाटी, पनौती नगरपालिका वडा नं. २ कुशादेवी र वडा नं. ९ सुन्थानमा रहेका व्यक्तिहरूमा कोरोना सङक्रमण पुष्टि भएको जानकारी दिनुभयो । उहाँका अनुसार बनेपा भैँसेपाटीका युवा र पनौती कुशादेवीमा भेटिएकी सङक्रमित महिला विदेशबाट आएका होइनन् । पनौती सुन्थानका सङक्रमित युवा...