कर्णालीमा थप ८३ जनामा कोरोना सङ्क्रमण, कुल ८४६

कर्णाली प्रदेशमा थप ८३ जनामा कोरोना सङ्क्रमण देखिएको छ । शुक्रबार नयाँ ८३ जना कोरोना सङ्क्रमित देखिएसँगै कोरोना सङ्क्रमितको सङ्ख्या ८४६ पुगेको छ । सामाजिक विकास मन्त्रालयअन्तर्गत जनस्वास्थ्य सेवा महाशाखाका अनुसार प्रदेश अस्पताल र पशुपन्छी रोग अन्वेषण प्रयोेगशाला, सुर्खेतमा गरिएको परीक्षणमा सुर्खेतका ४५ र दैलेखका ३८ जनामा कोरोना सङ्क्रमण पुष्टि भएको हो ।

चितवनमा जडीबुटी प्रशोधन उद्योग स्थापना

चितवनमा पहिलोपटक जडीबुटी तेल प्रशोधन उद्योग स्थापना भएको छ । जिल्ला जडीबुटी सहकारी सङ्घले रत्ननगर नगरपालिका–११ मङ्गलपुरमा उद्योग स्थापना गरेको हो । उद्योगको बिहीबार वाग्मती प्रदेशका सांसद कृष्ण खनालले उद्घाटन गर्नुभयो । करिब ४० लाखको लगानीमा स्थापना गरिएको उद्योगले वनस्पतिबाट निस्कने सबै तेल उत्पादन गर्ने जिल्ला जडीबुटी सहकारी सङ्घका अध्यक्ष कुलप्रसाद देवकोटाले जानकारी दिनुभयो । उद्योगमा प्रशोधन मेसिनसँगै...

तयार भए सौराहाका होटल क्वारेन्टाइन बनाउन

सौराहाका होटल सञ्चालकले पहिलो चरणमा क्वारेन्टाइनका लागि २९ वटा होटल दिन तयार भएका छन् । ती होटलमा ५०० जना अट्ने जनाइएको छ । क्षेत्रीय होटल सङ्घ सौराहाका अध्यक्ष दीपक भट्टराईका अनुसार होटलको सूची स्वास्थ्य तथा जनसङ्ख्या मन्त्रालय पठाइसकिएको छ । सूचीमा प्रतिव्यक्ति रु दुई हजारदेखि तीन हजारसम्म खाना र बसाइको दररेट राखिएको उहाँले बताउनुभयो ।

महाकालीमा ५० शय्याको आइसोलेसन भवन उद्घाटन

कञ्चनपुरस्थित महाकाली अस्पतालमा कोभिड–१९का सङ्क्रमितको उपचारका लागि छुट्टै ५० शैयाको आइसोलेसन भवनको उद्घाटन गरिएकाे छ । सुदूरपश्चिम प्रदेश सरकारको आर्थिक सहयोगमा महाकाली अस्पतालले निर्माण गरेको उक्त भवनको शुक्रबार सामाजिक विकासमन्त्री कृष्णराज सुवेदीले उद्घाटन गर्नुभएको हो ।

एउटै गाउँपालिकामा १८ सय बढी क्वारेन्टाइनमा

भारतलगायत बाहिरबाट आएर ढकारी गाउँपालिकामा एक हजार ८४० जना क्वारेन्टाइनमा छन् । आठ वडा रहेको गाउँपालिकाका विभिन्न स्थानमा निर्माण गरिएका क्वारेन्टाइनमा एक हजार ५४५ जना पुरुष २९५ महिला क्वारेन्टाइनमा रहेका छन् ।