क्वारेन्टाइनमै जन्मियो बच्चा !

दैलेखको पश्चिम क्षेत्रमा पर्ने दुर्गम ठाटीकाँध गाउँपालिकाकी एक महिलाले क्वारेन्टाइनमै शिशुलाई जन्म दिनुभएको छ । गाउँपालिकाले सञ्चालनमा ल्याएको वडा नं २ को पिपलचौतारास्थित जनता आधारभूत विद्यालयको क्वारेन्टाइनमा सोही वडाकी १९ वर्षीया मीना विकले शुक्रबार छोरीलाई जन्म दिनुभएको हो ।

कर्णाली प्रदेशमा थप ५९ जनामा सङ्क्रमण, कुल सङ्क्रमित १०५

कर्णाली प्रदेशमा शानिबार रातिसम्ममा थप ५९ जनामा कोरोना सङ्क्रमण पुष्टि भएको छ । योसँगै प्रदेशमा कुल सङ्क्रमित सङ्ख्या १०५ पुगेको छ ।  कर्णली प्रदेशको समाजिक विकास मन्त्रालयले शानिबार राति जारी गरेको प्रेस विज्ञप्तिमा दैलेखमा १५ जना जना, कालिकोटमा १७ जना, सल्यानमा २५ जना तथा बाजुरा र सुर्खेतमा एक/एक जना गरी थप दुई जना सङ्क्रमित फेला परेका थिए । 

पश्चिम सेती बन्ने भएपछि चर्चासँगै खुशीयाली

सुदूरपश्चिम प्रदेशको पहाडी जिल्ला बझाङ, बैतडी र डोटीको सीमाक्षेत्र तलारामा निर्माण हुने ७५० मेगावाटको जलाशययुक्त पश्चिम सेती परियोजनाको पुनः चर्चा शुरु भएको छ । लामो समयदेखि चर्चामा रहेको उक्त परियोजना निर्माणमा सरकारले निरन्तरता दिने भन्दै बजेट भाषणमार्फत जानकारी गराएसँगै यहाँका स्थानीयवासी खुशी भएका छन् ।

हत्या गरेको आरोपमा दुई पक्राउ

जिल्ला प्रहरी कार्यालय सुनसरीले बराहक्षेत्र–३ बाङ्गेका ३७ वर्षीय कमल राईको हत्या गरेको आरोपमा दुई जनालाई पक्राउ गरेको छ । सुनसरी बराहक्षेत्र इक्राहीका २२ वर्षीय गणेश लिम्बू र १९ वर्षीय प्रदीप राजधामीलाई हत्या आरोपमा पक्राउ गरिएकोे जिल्ला प्रहरी कार्यालय सुनसरीले जनाएको छ । शुक्रबार सुनसरी बराहक्षेत्र–३ इक्राही जमुना कित्तास्थित प्लटिङ जग्गामा कमल राईको मृतास्थामा शव फेला परेको थियो ।

प्रदेशसभा बैठक - प्रवासबाट आएकाको उपयुक्त व्यवस्थापन हुनुपर्छ

सुदूरपश्चिम प्रदेश सभाका सदस्यहरुले भारतबाट फर्केका प्रदेशवासीहरुको उपयुक्त व्यवस्थापन गर्न प्रदेश सरकारलाई आग्रह गर्नु भएको छ । शनिबार बसेको प्रदेश सभा बैठकमा आगामी आर्थिक वर्ष २०७७÷०७८ को पूर्व बजेट तयारी सम्बन्धी दस्तावेजमाथिको छलफलमा भाग लिनु हुँदै उहाँहरुले प्रवासबाट फर्केकाहरुको समयमै उचित व्यवस्थापन गर्न नसके स्थिति भयावह हुन सक्ने बताउनुभयो ।