४७ जनाको पिसिआर रिपोर्ट नेगेटिभ, घरटोल सिल

जिल्लामा आरडिटी विधिबाट कोरोना भाइरस परीक्षण गर्दा पोजेटिभ आउनेको पिसिआर विधिबाट जाँच गरिएको छ । पिसिआर विधिबाट जाँच गर्न स्वाब सङ्कलन गरी ५० जनाको प्रादेशिक अस्पतालमा पठाइएको थियो । तीमध्ये ४७ मा कोरोना भाइरस नेगेटिभ आएको सिन्धुली अस्पतालका कोभिड–१९ फोकल पर्सन डा. प्रसन्नजङ्ग राजभण्डारीले जानकारी दिनुभयो ।

धनकुटामा स्टाफ नर्ससहित ६ जनामा कोरोना सङ्क्रमण पुष्टि

धनकुटाका थप पाँच जना गरी ६ जनामा कोरोना सङ्क्रमण पुष्टि भएको छ । जिल्ला अस्पताल धनकुटामा कार्यरत एक महिला स्वास्थ्यकर्मीमा नोवल कोरोना भाईरस कोभिड १९ को सङ्क्रमण पुष्टि भएलगत्तै उहाँको सम्पर्कमा रहेका ८३ जनाको स्वाब परीक्षणका लागि बीपी कोइराला स्वास्थ्य विज्ञान प्रतिष्ठान, धरान लगिएको थियो । धनकुटाबाट लगिएको ८३ जनाको स्वाबमध्ये ६७ जनाको स्वाब परीक्षण गर्दा पाँचजनामा कोरोना पोजेटिभ रहेको पुष्टि भएको छ । बाँकी...

चेकड्याम र सिल्टपोखरी निर्माण कार्यमा गति

फेवाताल बचाउन जनताका नजिकका सरकारले फेवा जलाधार क्षेत्रमा सञ्चालन गरेका चेकड्याम र सिल्टपोखरी निर्माण कार्यले तीव्रता पाएको छ । विश्वव्यापीरुपमा फैलिएको कोरोना भाइरस (कोभिड–१९) सङ्क्रमण फैलिन नदिन घोषित बन्दाबन्दीमा पनि सामाजिक मूल्य र मान्यताका आधारमा निर्माण कार्यलाई निरन्तरता दिइएको हो ।

कोसी अस्पतालमा उपचाररत आठ सङ्क्रमित कोरोनामुक्त

विराटनगरस्थित कोसी अस्पतालअन्तर्गत कोभिड उपचार केन्द्रमा उपचाररत आठ जनाले कोरोना परास्त गर्नुभएको छ । उदयपुरको भुल्के क्षेत्रका तीन जना नागरिकसहित भुल्केस्थित मस्जिदमा सङ्क्रमित देखिएका पाँच जना भारतीय नागरिक कोरोना भाइरसमुक्त हुनुभएको हो ।

क्रिमसन अस्पतालमा उपचाररत सङ्क्रमितको मृत्युकाे समाचार गलत

नेपालमा कोरोना सङ्क्रमित तेश्रो व्यक्तिको मृत्यु भएको भन्ने समाचार निराधार रहेको बिरामीको उपचार भइरहेको रुपन्देहीको मणिग्रामस्थित क्रिमसन अस्पतालले जनाएको छ ।