सर्लाहीका दुईजना सङ्क्रमित टेकुमा पुगी परीक्षण गराएका थिए

सर्लाहीमा मङ्गलबार थपिएका कोरोनाभाइरस (कोभिड–१९) का दुई जना सङ्क्रमितले टेकु पुगेर परीक्षण गराएको खुलेको छ । जिल्लाको बाग्मती नगरपालिका–९ का ३४ वर्षीय पुरुष र हरिवन नगरपालिकाको नयाँरोड क्षेत्रका ३१ वर्षीय पुरुषले टेकु पुगेर परीक्षण गराउँदा कोभिड–१९ पोजेटिभ पाइएको प्रमुख जिल्ला अधिकारी मोहनबहादुर जिसीले जानकारी दिनुभयो । हालसम्म प्राप्त जानकारी अनुसार उहाँहरू आफैँ टेकु पुगेर पीसीआर टेष्ट गराएको बुझिएको छ,...

विदेशबाट आएका ४१ जना क्वारेनटाइनमा

तनहुँमा बन्दाबन्दीका क्रममा विदेशबाट आएका ४१ जनालाई क्वारेन्टाइनमा राखिएको छ । क्वारेन्टाइनमा बसेका मध्ये अधिकांश भारतबाट आएका रहेका छन् । बङ्गालादेशबाट एक जना, दुबईबाट आएका दुई जना र बाँकी भारतबाट आएका गरी उक्त सङ्ख्यालाई क्वारेन्टाइनमा राखिएको स्वास्थ्य कार्यालय तनहुँका प्रमुख शङ्करबाबु अधिकारीले जानकारी दिनुभयो ।

स्वास्थ्य विज्ञान प्रतिष्ठान जुम्लाद्वारा हेलिकोप्टरबाट स्वाब सङ्कलन

साबिकका कर्णाली अञ्चलमा जिल्लाहरूमा स्वाब सङ्कलन र काेराेना परीक्षणको जिम्मेवारी पाएको कर्णाली स्वास्थ्य विज्ञान प्रतिष्ठानले हुम्ला जिल्लामा हेलिकोप्टरबाट स्वाब सङ्कलन कार्य अगाडि बढाएको छ । सडक सञ्जाल नजोडिएको हिमाली जिल्ला हुम्लामा यसअघि प्रतिष्ठानबाट खटिएको चिकित्सकसहितको टोलीले सङ्कलन गरेका स्वाब हेलिकोप्टरमा ढुवानी गरेर जुम्ला लगिनेछ ।

लकडाउनको उलङ्घन गरी बस चढेर काफल खान गएका ३० युवा समातिए

लकडाउनको उलङ्घन गरी काफल खान गएका ३० जना पक्राउ परेका छन् । सिरानचोक गाउँपालिका ४ र ५ बाट बस रिजर्भ गरेर काफल खान वडा नम्बर २ थालाजुङ्गको जङ्गल पुगेका ३० जना युवालाई नियन्त्रणमा लिइएको जिल्ला प्रहरी कार्यालय, गोरखाका प्रमुख एसपी ओम अधिकारीले जानकारी दिनुभयो ।

शङ्कास्पद पाँचसहित १७३ जनाको स्वाब रिपोर्ट नेगेटिभ

कोभिड–१९ सङ्क्रमणको आशङ्कामा सेती प्रादेशिक अस्पतालको आइसोलेसन कक्षमा भर्ना भएका शकाङ्स्पद पाँच जनासहित १७३ व्यक्तिको थ्रोट स्वाब रिपोर्ट नेगेटिभ आएको छ ।