गण्डकी प्रदेशका सभामुख र उपसभामुखले एक महिनाको पारिश्रमिक कोरोना कोषमा जम्मा गर्ने

गण्डकी प्रदेशका सभामुख र उपसभामुखले प्रदेश सरकारले कोरोना भाइरसको सङ्क्रमण न्यूनीकरण गर्ने उद्देश्यले स्थापना गरेको उपचार कोषमा एक महिनाको पारिश्रमिक प्रदान गर्ने भएका छन् । सभामुख नेत्रनाथ अधिकारी र उपसभामुख सिर्जना शर्माले सरकारले स्थापना गरेको कोरोना रोकथाम, नियन्त्रण र उपचार कोषमा पारिश्रमिक जम्मा गर्न सचिवालयलाई निर्देशन दिएको उपसभामुख शर्माले राससलाई जानकारी दिनुभयो ।

‘रसुवालाई कोरोनाको डर छैन’

चीनसँग सिमाना जोडिएको जिल्ला भए पनि हालसम्म रसुवामा कोरोना भाइरसको आशङ्का कहीँ कतै भएको छैन । सामान्य परीक्षणका लागि जिल्ला अस्पताल आउनेको सङ्ख्या पनि फाटफुट मात्र रहेको अस्पतालले जनाएको छ । जिल्लामा करीब ४३ हजार जनसङ्ख्या छ । जिल्ला अस्पताल धुञ्चेमा तीन, हेल्थ डेस्क रसुवागढीमा एक र ग्रामीण अस्पताल जिबजिबेमा पाँच चिकित्सक कार्यरत छन् ।

लकडाउन अवज्ञा गर्ने प्रहरी नियन्त्रणमा

कोभिड– १९ को सम्भावित जोखिम हुन नदिन लगाइएको लकडाउनको प्रभावकारी कार्यान्वयन भैराखेका छ । नेपाल प्रहरी,सशस्त्र प्रहरी र नेपाली सेनाले संयुक्त रुपमा अनुगनम गरिराखेका छन् । तीनवटै निकायका सुरक्षाकर्मीले कारोनाबाट जोगिन घरभित्रै रहन जिल्लावासीलाई आग्रह गरिराखेका छन् ।

चन्द्रागिरिलाई २० थान पिपिई हस्तान्तरण

काठमाडौँ प्रवेशको मुख्यद्वार चन्द्रागिरि नगरपालिकालाई २० थान व्यक्तिगत सुरक्षा उपकरण (पिपिई) हस्तान्तरण गरिएको छ ।

कोरोना अस्पताल सञ्चानमा रहेको चितवनमा अन्य तयारी

दरिलो इच्छाशक्ति भएपछि कामगर्न सकिन्छ भन्ने उदाहरण भरतपुर महानगरपालिकाले प्रस्तुत गरेको छ । केही दिन यतादेखि देशमा सञ्चालनमा रहेको प्राणघातक कोरोना भाइरसको नियन्त्रणसम्बन्धी अभियानमा भरतपुर महानगरपालिकाले कोरोना अस्पताल नै निर्माण गरेर यस्तो उदाहरणीय बनेको हो ।

विदेशबाट आएका सदरमुकाममै १३३ जना !

जिल्लाका सबै स्थानीय तहले वैदेशिक रोजगारीबाट फर्केकाहरुको तथ्याङ्क सङ्कलनको काम थालेका छन् । दशवटै स्थानीय तहमा वैदेशिक रोजगारी तथा उच्च शिक्षा आर्जन गरेर फर्किनेहरुको तथ्याङ्क सङ्कलनका क्रममा शुक्रबार बागलुङमा विदेशबाट आएकाहरुको तथ्याङ्क सार्वजनिक भएको छ ।

सङ्क्रमणको जोखिम बढेपछि रङ्गशालामा हटिया

राजविराज नगरपालिका–७ स्थित गुदरी हटिया लाग्ने हाटबजार आजबाट राजविराजको रङ्गशालामा सञ्चालन भएको छ । राजविराज नगरपालिकाको निर्णयबमोजिम आवश्यक तयारी गरेर फराकिलो रहेको रङ्गशाला खेल मैदानमा तरकारी हाटबजार सञ्चालन गरिएको नगर प्रमुख शम्भुप्रसाद यादवले जानकारी दिनुभयो ।

पिपिई नहुँदा स्वास्थ्यकर्मीमा मनोवैज्ञानिक असर

गुल्मीमा कोरोना भाइरस उपचारको लागि आवश्यक सामग्री नहुँदा स्वास्थ्यकर्मीमा मनोवैज्ञानिक असर परेको छ । प्रत्येक स्वास्थ्यकर्मीलाई एक/एक वटाका दरले आवश्यक पर्ने पिपिई नहुँदा स्वास्थ्यकर्मीलाई मनोवैज्ञानिक असर पुगेको हो । रेसुङ्गा नगरपालिकाको मातहतमा ३० जना स्वास्थ्यकर्मी छन् । तर, हालसम्म एकसेट पनि पिपिई छैन । सदरमुकाम समेत रहेको रेसुङ्गा नगरपालिका कोरोनाको जोखिममा छ ।

एम्बुलेन्स चालकको जीवन बीमा

तनहुँको भानु नगरपालिकाले नगरक्षेत्रभित्रका एम्बुलेन्स चालकको जीवन बीमा गरिदिएको छ । कोभिड–१९ का शङ्कास्पद बिरामीलाई सेवा प्रवाह गर्ने क्रममा एम्बुलेन्स चालक जोखिममा हुने भएकाले नगरपालिकाले जीवन बीमाको व्यवस्था गरेको हो ।

विदेशबाट फर्किएका ३७ जना सेल्फ क्वारेन्टाइनमा

जिल्लाको शहिद लखन गाउँपालिकामा विदेशबाट फर्किएका ३७ जनालार्ई सेल्फ क्वारेन्टाइनमा राखिएको छ । विश्वभर महामारीको रुपमा फैलिएको कोरोना भाइरस ९कोभिड—१९० को सम्भावित सङ्क्रमण रोक्न गाउँपालिकाले वडा कार्यालयमार्फत विदेशबाट आएका सबैको तथ्याङक सङ्कलन गरी उनीहरुलाई सेल्फ क्वारेन्टाइनमा राखिएको गाउँपालिका अध्यक्ष रमेशबाबु थापामगरले जानकारी दिनुभयो ।