ओखलढुङ्गामा जीप दुर्घटना हुँदा दुई जनाको मृत्यु

ओखलढुङ्गामा जीप दुर्घटना हुँदा दुई जनाको मृत्यु भएको छ । सोलुखुम्बुबाट विराटनगर जाँदै गरेको जीप बुधबार बिहान साढे ९ बजे मानेभञ्ज्याङ गाउँपालिका–६ भँडारे खोला नजिकै जीप दुर्घटना भएको हो ।

तीन लाख घुससहित प्रधानाध्यापक पक्राउ

अख्तियार दुरुपयोग अनुसन्धान आयोगले तीन लाख रुपियाँ घुस लिएको आरोपमा प्रधानाध्यापकसहित दुई जनालाई पक्राउ गरेको छ । आयोगले घुस लिएको आरोपमा श्री विश्वेश्वरप्रसाद कोइराला आदर्श माध्यमिक विद्यालय, जोकहा, घिउरा, रौतहटका प्रधानाध्यापक राकेशकुमार ठाकुर र दीपेन्द्र सर्जिकल पसलका सञ्चालक दीपेन्द्रकुमार झालाई पक्राउ गरेको हो ।

नयाँ वर्ष मनाउन फर्कनेसँग मन्त्रीद्वारा नाकामै भलाकुसारी

सुदूरपश्चिम प्रदेशका आन्तरिक मामिला तथा कानूनमन्त्री डा. रणबहादुर रावलले भारतबाट फर्किरहेका नेपालीसँग गौरीफन्टा नाकामा भलाकुसारी गर्नु भएको छ । विहानै नाका पुग्नुभएका मन्त्रीले नयाँ वर्ष तथा विसु पर्व मनाउन फर्किरहेका नेपाली कामदारहरुसँग नाकामा भलाकुसारी गर्नुभएको हो । उहाँले फर्कने कामदारहरुसँग बाटोमा अप्ठ्यारो भएकोबारे जानकारी लिनुका साथै नयाँ वर्षको शुभकामा दिनुभएको थियो ।

एमाले कैलालीले तोक्यो स्थानीय तहका इन्चार्ज र विभागीय प्रमुख

नेकपा एमाले कैलालीले १३ वटा स्थानीय तहका इन्चार्ज र विभिन्न विभागका प्रमुखको जिम्मेवारी तोकेको छ । मंगलबार बसेको सचिवालय बैठकले स्थानीय तहका इन्चार्ज र विभागीय प्रमुखको जिम्मेवारी तोकेको नेकपा एमाले कैलालीले जनाएको छ ।

हुम्ला विमानस्थलमै थन्कियो खाद्यान्न

हुम्लाको मध्य भेगमा रहेको सर्केगाड गाउँपालिकाबाट ढुवानी हुँदै आएको चामल सिमकोट विमानस्थलमा थन्किएको छ । विमानस्थलबाट खाद्यान्नको गोदामसम्म ढुवानी गर्ने व्यवस्था हुन नसकेपछि ठूलो परिमाणमा खाद्यान्न विमानस्थलमै थन्किएको हो । खाद्य व्यवस्था तथा व्यापार लि

सडक निर्माणले गति लिँदै

लामो समयदेखि अलमलमा परेको राष्ट्रिय गौरवको आयोजनामध्ये नवलपरासीको हुलाकी सडकको निर्माण कार्यले अब भने तीव्रता पाएको छ । पश्चिम नवलपरासीको सदरमुकाम परासीदेखि बर्दघाटको नारायणचोक हँुदै सुस्ता गाउँपालिकाको रानीनगरसम्मको हुलाकी सडक निर्माणको काम लामो समयसम्म अलपत्र परेको अवस्थामा निर्माण हुन बाँकी रहेको नारायणचोकदेखि रानीनगरसम्मको सडक खण्डमा निर्माण कार्यले तीव्रता पाएको हो ।

‘अर्थतन्त्र गम्भीर सङ्कटमा छैन’

नेपाल राष्ट्र बैङ्कका पूर्वगभर्नर डा. चिरञ्जीवी नेपालले मुलुकको अहिलेको अर्थतन्त्र गम्भीर सङ्कटमा नरहेको बताउनुभएको छ ।मङ्गलबार काठमाडौँमा आयोजित एक कार्यक्रममा बोल्दै पूर्वगर्भनरले भन्नुभयो, “पछिल्लो समयमा देशको अर्थतन्त्रमा केही समस्या परेको छ तर श्रीलङ्कको जस्तै अवस्थामा पुग्ला भनेर चिन्ता गर्नु पर्ने अवस्था भने छैन । अहिलेको समस्या समाधान गर्नै नसकिने पनि होइन । ”

सडकले फेरिदियो जीवन

कुनै बेला दुर्गम मानिने दोलखाको मेलुङ गाउँपालिका–५, डाँडाखर्कको पाखेडाँडा क्षेत्रका गाउँ अहिले सुगम बनेका छन् । भौगोलिक बनावटका हिसाबले अति दुर्गम पाखेडाँडामा सडक सञ्जाल जोडिएपछि यो बस्ती सुगम बनेको हो । सडक सञ्जालसंँग जोडिएर यातायात सञ्चालनमा आएपछि स्थानीयले विकास र सुविधा दुवैको अनुभूति गर्न पाएकामा हर्षित बनेका स्थानीय ठाकुरदास श्रेष्ठले बताउनुभयो ।

घरको खरानी हेर्दै त्रिपालको बास

एक जना वृद्धाको मानवीय क्षतिसहित आठ घरमा आगजनी भएको उदयपुरको घटनाका पीडितहरूको दिनचर्या कष्टकर बनेको छ । जिल्लाको उदयपुरगढी गाउँपालिका–१, शिखरपुरका अग्नि पीडितहरूले आगलागीपछि घर उभ्याउन नसक्दा दिनचर्या कष्टकर बनेको हो ।

छ रूपियाँमा एक छाक खाना

खाना पकाउन विद्युतीय पद्धति प्रयोग गरेमा परम्परागत र एलपी ग्यासभन्दा आधा सस्तो पर्ने एक अध्ययनले देखाएको छ । जनताका लागि ऊर्जा तथा वातावरण विकास संस्था (पीडा)ले मङ्गलबार सार्वजनिक गरेको अध्ययन प्रतिवेदनअनुसार पाँच जनाको परिवारको एक छाक खाना इलेक्ट्रिक प्रेसर कुकरमा पकाउँदा जम्मा छ रुपियाँ २७ पैसा मात्र खर्च लाग्छ ।