माओवादी प्रदेश सम्मेलन एकैसाथ

नेपाल कम्युनिस्ट पार्टी (माओवादी केन्द्र)को १० वटा प्रदेश सम्मेलन एकैसाथ उद्घाटन हुने भएको छ । यही मङ्सिर २५ गते हुने सम्मेलनमा पार्टी अध्यक्ष पुष्पकमल दाहाल ‘प्रचण्ड’ले सम्बोधन गर्ने कार्यक्रम छ ।

छुवाछूतमा दलित महिला बढी पीडित

जातीय भेदभाव तथा छुवाछूत र महिला हिंसाका घटनामा दलित महिलाहरू बढी प्रभावित हुने गरेको पाइएको छ । पछिल्लो एक वर्षका घटनाहरूको अध्ययन गर्दा यस्तो पाइएको हो । दलित महिला सङ्घ (फेडो) ले गरेको अध्ययनमा जातीय भेदभाव तथा छुवाछूतका घटनामा दलित महिला ६१ प्रतिशत पीडित भएको देखिएको छ । त्यस्तै गैरदलित महिलाको तुलनामा दलित महिला बढी प्रभावित भएका देखिएका छन् भने दलित पुरुषको तुलनामा दलित महिला जातीय भेदभाव तथा छुवाछूतका घटनाबाट...

पेट्रोलियम पाइपलाइन स्वीकृतिमा ढिलाइ

पेट्रोलियम पाइपलाइन विस्तार र निर्माण सर्वे स्वीकृत हुन नसक्दा अन्योल भएको छ । अमलेखगञ्जदेखि चितवनको लोथरसम्मको पेट्रोलियम पाइपलाइन परियोजनाको विस्तृत इन्जिनियरिङ सर्वे स्वीकृतिका लागि उद्योग, वाणिज्य तथा आपूर्ति मन्त्रालयले २०७७ फागुनमै मन्त्रिपरिषद्मा पठाएको थियो । सर्वे स्वीकृतिका लागि मन्त्रिपरिषद्मा पठाइएको प्रस्ताव हालसम्म स्वीकृति नभएको मन्त्रालयका सह–प्रवक्ता उर्मिला केसीले जानकारी दिनुभयो...

औद्योगिक ग्रामका लागि १५० प्रस्ताव

औद्योगिक ग्राम स्थापनाका लागि १५० स्थानीय तहले उद्योग, वाणिज्य तथा आपूर्ति मन्त्रालयमा प्रस्ताव पठाएका छन् । यी प्रस्तावमध्ये ११ वटा प्रस्ताव स्वीकृतिका लागि मन्त्रिपरिषद्मा पठाइएको छ । करिब ३० वटा प्रस्ताव मापदण्ड नपुगेको र बाँकी प्रस्ताव अध्ययन भइरहेको मन्त्रालयले जनाएको छ ।

सार्वजनिक यातायातमा जीपीएस जडान सुरु

सार्वजनिक यातायातलाई जीपीएस (ग्लोबल पोजिसनिङ सिस्टम)मा भेहिकल ट्र्याकिङ सिस्टम (भीटीएस) प्रणालीमा जोड्ने काम सुरु भएको छ । यातायात व्यवस्था विभागले परीक्षणस्वरूप १७ वटा बसमा जीपीएस जडान गरिसकेको छ । एक सयवटा सवारीमा निःशुल्क सेवा दिएर जडान गरिने भएको छ ।

कच्चा तेलको मूल्य घट्दै

अन्तर्राष्ट्रिय बजारमा कच्चा तेलको मूल्य घट्न थालेको छ । प्रतिब्यारेल १० डलर घटेको छ । नेपाल आयल निगमका अनुसार करिब एक हप्ताअघि प्रतिब्यारेल ८२ डलर रहेको कच्चा तेलको मूल्य ७२ डलरमा झरेको छ । कोरोनाको नयाँ भेरियन्ट ओमिक्रोनको प्रभाव र अमेरिकाले रणनीतिक भण्डारणबाट पाँच करोड ब्यारेल पेट्रोलियम पदार्थ निकासा गरेपछि कच्चा तेलको मूल्य घट्न थालेको निगमले जनाएको छ । निगमका प्रवक्ता विनितमणि उपाध्यायले भन्नुभयो, “कच्चा...

स्मार्ट लाइसेन्स अब छापिने

करिब छ महिनासम्म स्थगित भएको सवारी चालक अनुमतिपत्र (स्मार्ट लाइसेन्स) छपाइ सुरु हुने भएको छ । फ्रान्सको सेल्प कम्पनीले सम्झौताअनुसार १४ लाखप्रति कार्ड उपलब्ध गराएपछि छपाइ कार्य सुरु हुने भएको हो । यातायात व्यवस्था विभागले कार्ड अभाव भएपछि अति आवश्यक सवारी चालक अनुमतिपत्र मात्र छपाइ गर्दै आएको थियो । विभागले १४ लाखप्रति कार्ड आएपछि छपाइ कार्य तीव्र बनाइने जनाएको छ । विभागका महानिर्देशक नमराज घिमिरेले भन्नुभयो,...

औद्योगिक क्षेत्र निर्माणमा बजेट अभाव

शिलान्यास गरिएको नौ महिनासम्म पनि नयाँ औद्योगिक क्षेत्रको निर्माण कार्य अघि बढ्न सकेको छैन । कञ्चनपुरको दैजी औद्योगिक क्षेत्र, बाँकेको नौवस्ता, रुपन्देहीको मोतीपुर, चितवनको शक्तिखोर, मकवानपुरको मयूरधाप र झापाको दमक औद्योगिक क्षेत्रको शिलान्यास २०७७ फागुनमा भएको थियो ।

जातीय भेदभाव कायमै

भरतपुर महानगरपालिका–४ का भीमबहादुर विश्वकर्माले स्थानीय दुर्गा मन्दिरमा दलितले पनि पूूजा गर्न पाउनुपर्छ भन्दा गैरदलितको कुटपिटबाट मृत्यु भयो । २०७८ असोज २८ गते विकको हत्याको घटना अदालती प्रक्रियामा छ । सप्तरीको सुरुङ्गा नगरपालिका–७, पोखरियाकी ज्योति पासवानले अन्तरजातीय प्रेमका कारण २०७८ साउन २३ मा आत्महत्या गर्नुभयो ।

छ महिनाभित्र चार्जिङ स्टेसन

नेपाल विद्युत् प्राधिकरणले गत वर्ष निर्माण सुरु गरेको ५० वटा चार्जिङ स्टेसन छ महिनाभित्र सम्पन्न गरिने भएको छ । प्रमुख राजमार्गका ३२ स्थानमा ५० वटा चार्जिङ स्टेसन निर्माण भइरहेका छन् । प्राधिकरणले विद्युतीय सवारी साधनका लागि चार्जिङ स्टेसन निर्माण गरिएको हो । प्राधिकरणका अनुसार स्टेसन रहने स्थानको पहिचान गरिएको छ । चार्जर मेसिन खरिदको सम्झौता भइसकेको छ । हाल स्टेसनमा विद्युत् लाइन पु¥याउने काम भइरहेको छ । प्राधिकरणका...