बैङ्किङ कसुरकाे अभियाेगमा राष्ट्रिय वाणिज्य बैङ्कका शाखा प्रबन्धक पक्राउ   

सरकारी कागज किर्ते गरी ऋण प्रवाह गरेको प्रकरणमा बाँके प्रहरीले राष्ट्रिय वाणिज्य बैङ्क त्रिभुवन चोकका शाखा प्रबन्धक ललितबहादुर शाहीलाई पक्राउ गरेको छ । एक करोड २५ लाख रुपियाँ ऋण लिएका सुनचाँदी व्यवसायी रिजवान अहमद जसगढको मुद्दा अनुसन्धान गर्ने क्रममा प्रबन्धक शाहीलाई शुक्रबार पक्राउ गरिएको बाँकेका प्रहरी उपरीक्षक ओमबहादुर रानाले जानकारी दिनुभयो ।     उहाँका अनुसार प्रबन्धक शाहीलाई अनुसन्धानका लागि शुक्रबार...

गुणस्तर मापदणड नमान्ने छ उद्योग कारबाहीमा

नेपाल गुणस्तर तथा नापतौल विभागले नेपाल गुणस्तरअनुरुप उत्पादन नगर्ने छ उद्योगलाई कानूनी कारवाही गरेको छ । विभागले विभिन्न समयमा गरेको बजार अनुगमन तथा उद्योगको आकस्मिक निरीक्षणका क्रममा लिइएको नमूना सङ्कलन प्रयोगशालामा जाँच गर्दा प्राप्त परीक्षणको नतिजा नेपाल गुणस्तरअनुरुप नपाएको भन्दै कारवाही गरेको हो ।

किसानलाई धान रोप्ने चटारो

प्रत्येक वर्षको असार १५ लाई रोपाइँ सुरु हुने दिनका रूपमा लिइन्छ तर असार १५ आउनुपुर्व नै सिरहामा यसपालि २० प्रतिशत रोपाइँ सम्पन्न भइसकेको छ । यसपालि जेठको मध्यदेखि नै मौसमले साथ दिएर पानी परेपछि सिरहाका किसानले समयमै बेर्ना लगाई असारको पहिलो सातादेखि नै धान रोपाइँ सुरु गरेका छन् । वर्षाले खेतको गरा–गरामा पानी पुगेपछि सिरहाका किसानलाई अहिले धान खेतीको चटारो छ ।

आगामी साता सेयर बजार खुल्ने अपेक्षा

बन्दाबन्दी सुरु भएदेखि नै करिब बन्द रहेको धितोपत्र दोस्रो बजारको कारोबार आगामी साताबाट सुचारु हुने सङ्केत देखिएको छ । धितोपत्र बोर्ड र लगानीकर्ताका विभिन्न सङ्घ सङ्गठनका प्रतिनिधिबीच शुक्रबार भएको सहमति अनुसार धितोपत्रको दोस्रो बजार सुचारु हुन लागेको हो ।

बेन क्यापिटल भर्जिन अस्ट्रेलिया किन्न सहमत

निजी क्षेत्रको अमेरिकी इक्वीटी कम्पनी बेन क्यापिटलले टाट पल्टिएको अस्ट्रेलियाली बिमान सेवा भर्जिन अस्ट्रेलिया खरिद गर्न सहमति जनाएको डिलोइट कम्पनीले जनाएको छ । भर्जिन अस्ट्रेलिया खरिदका लागि यसअघि निवेदन दिएको साइरस क्यापिटल पार्टनर्सले अनिच्छा देखाएपछि दोस्रो प्रतिस्पर्धी बेन क्यापिटललाई बिक्री गर्न लागिएको हो ।