अत्यावश्यक वस्तुमा रोक नलगाउने कर्णाली सरकारको निर्णय

कर्णाली प्रदेश सरकारले अत्यावश्यक वस्तु तथा सामग्रीको आयातमा रोक नलगाउने निर्णय गरेको छ । प्रदेश सरकारले यही वैशाख २२ गते राति १२ः०० बजेदेखि एम्बुलेन्सबाहेक एक साताका लागि प्रदेशका सबै नाका पूर्णरूपले बन्द गरेको थियो ।

सेयर बजार आजदेखि खुल्दै

डेढ महिनाभन्दा बढी बन्द रहेको सेयर बजार आजदेखि खुल्ने भएको छ । कोरोना सङ्क्रमणको जोखिमलाई ध्यानमा राखेर सरकारले गरेको बन्दाबन्दीका कारण बन्द भएको सेयर बजार मङ्गलबारदेखि नियमित सञ्चालनमा आउन लागेको हो । सरकारले गत चैत ११ गतेदेखि कोरोनाको संक्रमण बढ्न नदिन बन्दाबन्दी घोषणा गरेसँगै दोस्रो बजार बन्द भएको थियो ।

दैनिक तीन लाख लिटर दूध खेर, क्षतिपूर्ति माग

बन्दाबन्दीका कारण दैनिक तीन लाख लिटर दूध खेर गएर दैनिक डेढ करोड रुपियाँ नोक्सानी भएको भन्दै सहकारीहरूले राहतको माग गरेका छन् । सोमबार सङ्घीय संसद्को अर्थसमितिको बैठकमा सहकारी अगुवाहरूले उत्पादन बिक्री नहुँदा निकै समस्या भएको बताएका छन् ।

बन्दबन्दीकैबीच अर्थतन्त्रलाई क्रमशः चलायमान बनाइने: अर्थमन्त्री

अर्थमन्त्री डा. युवराज खतिवडाले कोरोना भाइरसबाट जनताको जीवनरक्षाका लागि जारी बन्दबन्दीकैबीचमा अर्थतन्त्रलाई क्रमशः चलायमान बनाइने बताउनुभएको छ । राष्ट्रियसभाको आजको बैठकमा पूर्वबजेट छलफलअन्तर्गत आगामी आर्थिक वर्षको विनियोजन विधेयकका सिद्धान्त र प्राथमिकता (कर प्रस्तावबाहेक) सम्बन्धमा भएको छलफलपछि जवाफ दिँदै मन्त्री खतिवडाले अहिलेको पहिलो चुनौती जीवनरक्षा भएको र जीवनरक्षाकै लागि आर्थिक गतिविधिलाई पनि...

जेठ १५ गते सानो आकारको बजेट ल्याउन कांग्रेसको सुझाब

प्रतिपक्षी दल नेपाली कांग्रेसले आगामी जेठ १५ गते सानो खालको मात्र बजेट ल्याउन सुझाव दिएको छ । सोमबार प्रतिनिधिसभा बैठकमा आगामी बजेटका सिद्धान्त र प्राथमिकता माथिको छलफलका क्रममा सांसद मिनेन्द्र रिजालले कोभिड १९को क्षति र असरहरू अहिले पूर्वानुमान गर्ने अवस्थामा आइनसकेकाले अहिले कमचलाउ प्रकृतिको बजेट ल्याउन र साउनतिर विस्ततृत पुरक अनुमान बजेट ल्याउन सुझाव दिनुभएको हो ।