आन्ध्र प्रदेशमा औद्योगिक दुर्घटना, ग्यास चुहिदा सात जनाको मृत्यु

भारतको आन्ध्र प्रदेशको भिजागस्थित एक पोलिमर उद्योगबाट ग्यास चुहिएर भएको दुर्घटनामा सात जनाको मृत्यु भएको छ । उक्त दुर्घटनामा अरु १२० जना घाइते भएका छन् ।

लकडाउनको सदुपयोग गर्दै घलेगाउँबासी चियाखेतीमा

स्मार्ट भिलेज घलेगाउँका बासिन्दा लकडाउनको सदुपयोग गर्दै चिया बगानको गोडमेल र बगानमा चिया खेती विस्तारमा लागेका छन् । कोरोना भाइरस (कोभिड १९) संक्रमणका कारण लकडाउन भएपछि स्थानीय भौतिक दुरी कायम गर्दै चिया गोडमेल र खेती विस्तारमा लागेका हुन् ।

यातायात क्षेत्रमा छुटको माग

भौतिक पूर्वाधार तथा यातायातमन्त्री वसन्तकुमार नेम्वाङले बन्दाबन्दीका कारण यातायात व्यवसायीहरू बढी मर्कामा परेको भन्दै राहतका लागि पहल गरिने बताउनुभएको छ । बिहीबार मन्त्रालयमा ज्ञापनपत्र बुझाउन गएका नेपाल यातायात व्यवसायी राष्ट्रिय महासङ्घका प्रतिनिधिहरूलाई उहाँले सो कुरा बताउनुभएको हो ।

बजेट घट्न सक्ने

कोरोना महामारी (कोभिड १९)को असर मुलुकको भौतिक विकासमा समेत पर्ने भएको छ । महामारीका कारण भौतिक पूर्वाधार तथा यातायात मन्त्रालयको चालू आर्थिक वर्षको तुलनामा आगामी आर्थिक वर्षको बजेटमा कटौती हुने देखिएको छ ।

कोरोनाकाे जोखीमले अर्थतन्त्रमा दीर्घकालीन असर पर्ने

आर्थिक तथा व्यवसायिक क्षेत्रले विगतमा भोगेका विभिन्न जोखिमको तुलनामा कोरोना प्रभाव बढी संवेदनशील र गम्भिर हुने निश्कर्ष नेपालको निजी क्षेत्रले निकालेको छ । द्वन्द्वकाल, भुकम्प, नाकावन्दीजस्ता अर्थतन्त्रका नकारात्मक अवयव भन्दा कोरोना महामारीको असर वढी गम्भिर र दीर्घकालीन हुने ठम्याई निजी क्षेत्रको रहेको छ ।