मङ्गलबारदेखि सेयर बजार खुल्ने

आगामी मङ्गलबारदेखि सेयर बजार कारोबार खुल्ने भएको छ । नेपाल धितोपत्र बोर्डको शुक्रबार बसेको बैठकले मङ्गलबारदेखि बजार खोल्ने निर्णय गरेको बोर्डका प्रवक्ता निरन्जन गिरीले जानकारी दिनुभयो । चैत १० गतेदेखि धितोपत्र बजार बन्द गरिएको थियो ।

अर्थतन्त्रमा परेको प्रभाव न्यूनीकरणका लागि नेपाल राष्ट्र बैंक प्रयत्नशील छ– गभर्नर अधिकारी

नेपाल राष्ट्र बैंकका गभर्नर महाप्रसाद अधिकारीले कोभिड–१९ ले अर्थतन्त्रमा पारेको नकारात्मक प्रभाव न्यूनीकरणका निम्ति आफूहरु प्रयत्नशील रहेको बताउनुभएको छ ।         

किसानलाई अनुदानमा धानको बीउ वितरण

कैलाली–कञ्चनपुरका किसानलाई ५० प्रतिशत अनुदानमा ५०० मेट्रिकटन धानको बीउ वितरण शुरु गरिएको छ । धानको बीउ राख्ने समय नजिकिँदै गर्दा किसानलाई सहजता प्रदान गर्न कृषि ज्ञान केन्द्र कञ्चनपुरले धानको बीउ वितरणको व्यवस्था मिलाएको हो ।

बाँझो जग्गा नराख्ने अभियान शुरु

शुक्लागण्डकी नगरपालिका क्षेत्रका बाँझो जग्गा सदुपयोग गर्न अभियानकै रुपमा शुरु गरिएको छ । कोभिड–१९ बाट सुरक्षित हुन नेपाल सरकारले गरेको लक डाउनका कारण जनजीवन प्रभावित हुँदै गएपछि बाँझो जग्गा नराख्ने अभियान शुरु गरिएको हो ।

विद्युत् उत्पादन अनुमतिपत्रमा कडाई गर्ने सरकारको संकेत

सरकारले जलविद्युत् उत्पादन अनुमति पत्रमा कडाई गर्ने संकेत गरेको छ । पछिल्लो समय जलविद्युत् उत्पादन अनुमति वितरण सहज हुँदा भएको लगानीसमेत जोखिमपूर्ण र विद्युत् उत्पादन पनि अनिश्चित हुने अवस्था अन्त्य गर्न ऊर्जा, जलश्रोत तथा सिँचाइमन्त्रालयले लगानीकर्ता चयनमा विशेष ध्यान दिने जनाएको छ ।