आज जयनगर - कुर्था रेल उद्घाटन हुँदै

भारतको जयनगरदेखि धनुषाको कुर्थासम्म सञ्चालन हुने रेल सेवाको आज उद्घाटन हुँदैछ । उद्घाटनको सम्पूर्ण तयारी पुरा भएको छ । भारत भ्रमणमा रहनुभएका प्रधानमन्त्री शेरबहादुर देउवा र भारतका प्रधानमन्त्री नरेन्द्र मोदीले संयुक्तरूपमा भर्चुअल माध्यमबाट आज (शनिबार) दिउँसो १२ः१५ रेल सेवाको उद्घाटन गर्नुहुनेछ ।

बाँदर धपाइदिनेलाई मात्र भोट

बाँदरबाट आतङ्कित बनेका दोलखाको भीमेश्वर नगरपालिका–४, जिलुवासीले बाँदर धपाइदिने दललाई मात्र यसपालिको भोट दिने भएका छन् । बाँदरका सबै समस्या सदाका लागि न्यूनीकरण गर्ने घोषणापत्र लिएर आउने दललाई मात्र भोट दिने गाउँको सहमति भएको पीडित चन्द्रकुमारी बुढाथोकीले बताउनुभयो ।

मिटर बाकस निःशुल्क

बिजुली चोरी नियन्त्रणका लागि नेपाल विद्युत् प्राधिकरण भरतपुर, शाखाले विपन्न समुदायका नागरिकको घरमा निःशुल्क रूपमा विद्युत् मिटर बाकस जडान सुरु गरेको छ । भरतपुर महानगरपालिकासँगको समन्वयमा प्रधिकरणले विद्युत् चोरी हुने सम्भावित क्षेत्रका नागरिकलाई लक्षित गरी निःशुल्क मिटर वितरण सुरु गरेको हो । प्राधिकरणका इन्जिनियर राजेन्द्र पौडेलले विद्युत् चोरी नियन्त्रण र अनधिकृत रूपमा गरिने विद्युत् प्रयोगबाट हुने विद्युतीय...

दुर्घटनामा एक जनाको मृत्यु

झापाको दमकमा शुक्रबार अपरान्ह भएको सवारी दुर्घटनामा एक जनाको ज्यान गएको छ । दमक १ बरगाछीको भित्रि सडकखण्डमा दिउँसो ३ बजेको समयमा इटा बोकेको मे १ त ७९४२ नम्बर ट्रयाक्टरले विपरित दिशाबाट आउँदैगरेको मे.६ प ३९७६ नम्बरको मोटरसाईकललाई ठक्कर दिँदा दुर्घटना भएको जिल्ला प्रहरी कार्यालय झापाले जनाएको छ ।

भेरी अस्पतालमा न्यूरोसेवा पुनः सञ्चालनमा

लुम्बिनी, कर्णाली र सुदूरपश्चिम प्रदेशको रेफरल अस्पतालको रुपमा रहेको नेपालगञ्जस्थित भेरी अस्पतालमा न्यूरोसेवा पुनः सुरु गरिएको छ । न्यूरोसेवा सुरु भएसँगै यस क्षेत्रका खासगरी विपन्न र गरिब विरामीले सस्तो, सुलभ र गुणस्तरीय सेवा पाउन थालेको बताएका छन् ।