हार्ने ठाउँमा मात्र गठबन्धन : सभापति बलायर

नेपाली काँग्रेसका सुदूरपश्चिम सभापति वीरबहादुर बलाएर आसन्न निर्वाचनमा अहिलेको गठबन्धनका पार्टीले हार्ने अवस्थामा मात्रै गठनबन्धन हुने बताउनुभएको छ । अछाम सदरमुकाम मङ्गलसेनमा शुक्रबार प्रेस युनियनद्वारा आयोजित पत्रकार सम्मेलनमा एक्लै नजित्ने स्थानमा मात्र गठबन्धन गर्ने उहाँलृे बताउनुभयो ।

खानेपानी व्यवस्था भएपछि स्थानीय दलित समुदायमा खुसी

सिरहाको नरहा गाउँपालिका –३ खोरिया टोलमा सामुदायिक भवन निर्माण र खानेपानीका लागि बोरिङ्ग जडान भएपछि स्थानीय विपन्न दलित समुदाय खुसी भएका छन् । सिरहा –३ का सङ्घीय सांसद् तथा पूर्व कानुन न्याय तथा संसदीय व्यवस्थामन्त्री लीलानाथ श्रेष्ठद्वारा संसदीय कोषमार्फत विनियोजन गरेको २५ लाख रुपियाँमा बोरिङ र सामुदायिक भवन निर्माण गरिएको हो ।

बलात्कार आरोपमा पक्राउ

पाल्पामा १२ वर्षकी बालिकालाई जबर्जस्ती करणी गर्ने एक जना पुरुष पक्राउ परेका छन् । पक्राउ पर्नेमा तिनाउ गाउँपालिका –१, बस्ने ४८ वर्षका कोशलबहादुर हिस्की रहेका छन् ।

पत्रकारको अभियानमा जोडिन पाउँदा खुसी छु : पूर्वमन्त्री ज्ञवाली

नेकपा (एमाले) उपमहासचिव तथा पूर्वमन्त्री प्रदीपकुमार ज्ञवालीले पत्रकारको अभियानमा जोडिन पाउँदा खुसी लागेको बताउनुभएको छ । नेपाल पत्रकार महासङ्घ गुल्मीले चलाएको अक्सिजन प्लान्ट सञ्चालनको अभियानमा तत्कालीन परराष्ट्रमन्त्री रहँदा नेपाल सरकारको तर्फबाट एक करोड रुपियाँ विनीयोजन गरेर अयिानमा जोडिन पाउँदा खुसी लागेको बताउनुभएको हो ।

निर्वाचनमा महिला नेतृत्वका लागि एकताबद्ध

आगामी स्थानीय तहको निर्वाचनमा महिला नेतृत्वको सावित गर्नका लागि बागलुङका महिला नेतृ एकजुट भएका छन् । अन्तरपार्टी महिला सञ्जालको समन्वयमा बागलुङका जुनसुकै पार्टीले महिला उम्मेदवारलाई अगाडि बढाउन अग्रसरता र सबै पार्टीका महिला नेतृलाई एकजुट बनाएको छ । बागलुङका विभिन्न राजनीतिक दलमा आबद्ध महिलाले संविधानमा भएको व्यवस्थानुसार मुख्य पदमा फरक लिङ्ग अनिवार्य गर्नका लागि आफ्नै पार्टीमा दबाब सिर्जना गर्न एकजुट भएर...