गोरखापत्रकर्मी पराजुली सम्मानित

ह्याचरी संघ बागमति प्रदेश समितिले गोरखापत्रकर्मी बसन्त पराजुलीलाई सम्मानित गरेको छ । संघको तेस्रो साधरण सभामा पशु सेवा विभागका महानिर्देशक डा. रमानन्द तिवारीले नगदसहित सम्मानपत्रले सम्मानित गर्नुभएको हो ।

पौडी खेल्न गएका युवकको डुबेर मृत्यु

झापाको दमक २ स्थित एक सिमसारमा पौडी खेल्न गएका किशोरको डुबेर मृत्यु भएको छ । वडा २ का वडाध्यक्ष प्रजापती सापकोटाकाअनुसार सिपेनी सिमसारमा दिउँसो १ बजेतिर साथीसहित पौडी खेल्न जानुभएका दमक ५ का पुष्प राईका छोरा १९ बर्षिय रोहन राईको डुबेर मृत्यु भएको सापकोटाले जानकारी दिनुभयो ।

जानकीनगर साझेदारी वनमा सालको रुख तस्करी

सर्लाहीको जानकीनगर साझेदारी वनमा व्यापक रुपमा सालका रुखहरुको चोरी तस्करी बढेको छ । साझेदारी वनका पदाधिकारी र वनका कर्मचारीको मिलोमतोमा सालका रुखहरु कटान गरेर तस्करी भइरहेको स्थानीयवासीले आरोप लगाएका छन् ।

सञ्चारग्राम अनुसन्धान केन्द्रको रुपमा विकास हुन्छ : मन्त्री कार्की

सञ्चार तथा सूचना प्रविधिमन्त्री ज्ञानेन्द्रबहादुर कार्कीले आगामी निर्वाचनलाई सबैले उत्सवको रुपमा लिएर सहभागी हुनुपर्ने बताउनुभएको छ । विराटनगरमा तारिणीप्रसाद कोइराला स्मृति सञ्चारग्रामको नवनिर्मित भवन उदघाटन गर्दै उहाँले आगामी तीनै तहको निर्वाचन सबै सहभागी भएको, निष्पक्ष र धाँधलिरहित ढंगले सम्पन्न गर्न सरकार प्रतिवद्ध रहेको बताउनुभयो ।

महानगरमा ‘स्मार्ट’ बत्ती जडान सुरु

भरतपुर महानगरपालिकाको मुख्य स्थानमा स्मार्ट बत्ती जडानको कार्य सुरु गरिएको छ । पहिलो चरणमा महानगरपालिकाले मुख्य राजमार्ग र वाइपास क्षेत्रमा र दोस्रो चरणमा भित्री सडकमा स्मार्ट बत्ती जडान गर्ने भएको हो । महानगरपालिकाका प्रवक्ता अरुणपीडित भण्डारीले भन्नुभयो, “महानगरको मुख्य चोकमा रहेका ट्राफिक आइल्यान्ड हटाएर स्मार्ट लाइट जडान गर्ने काम सुरु गरेको छ ।” उज्यालो सहर अभियानअन्तर्गत महानगरले स्मार्ट लाइट जडान...