रुस र युक्रेनबीच साेमबार पुनः शान्तिवार्ता हुने

रुस र युक्रेनबीच पुनः शान्तिवार्ता हुने भएको छ । युक्रेन्स्का प्राब्दाका अनुसार आज सोमबार दुई देशबीच रुसी र युक्रेनी वार्ताकारबीच भर्चुअल रुपमा वार्ता हुने अलजजिराले उल्लेख गरेको छ । युक्रेनी अधिकारी डेभिढ अराखामियाले उक्त सञ्चारगृहले दिएको जानकारी अनुसार द्वन्द्व अन्त्य गर्न अनौपचारिक रुपमा विज्ञ समूहबीच दिनानुदिन छलफल भइरहेको बताउनुभयो ।

दुर्घटनामा घाइते भएका एकको मृत्यु

झापामा मोटसाइकल दुर्घटनामा घाईते हुनुभएका एकजनाको मृत्यु भएको छ । कमल गाउँपालिका ७ लालधन्द्राको भित्री सडकमा आइतबार विहान मोटरसाइकल दुर्घटनामा परेर घाईते हनु भएका गौरादह ४ का २३ वर्षीय पाण्डव चम्लागाइँको उपचारको क्रममा बिएण्डसि अस्पताल बिर्तामोडमा मृत्यु भएको हो ।

मैनहिया–सम्पत्तिया प्रसारण लाइन निर्माण ६० प्रतिशत सम्पन्न

नेपाल र भारतको उत्तर प्रदेश जोड्ने मैनहिया–सम्पत्तिया १३२ किलोभोल्ट (केभी) डबल सर्किट प्रसारण लाइन निर्माण ६० प्रतिशत सकिएको नेपाल विद्युत् प्राधिकरणले जनाएको छ । रुपन्देहीको मैनहिया सबस्टेसनबाट भारतको उत्तर प्रदेशस्थित सम्पत्तिया (न्यु नौतनुवा) सबस्टेसन जोड्ने उक्त प्रसारण लाइनको निर्माण आगामी असारसम्ममा सक्ने लक्ष्य छ ।

मदनकृष्णलाई लाइफटाइम अचिभमेन्ट

नेपाली कला क्षेत्रमा अतुलनीय योगदान दिँदै आउनुभएका वरिष्ठ कलाकार मदनकृष्ण श्रेष्ठलाई पेज थ्री पिपल्स च्वाइस अवार्ड ११४२ मा लाइफटाइम अचिभमेन्ट अवार्ड प्रदान गरिने भएको छ । इलोंह प्रकाशनले बर्सेनि आयोजना गर्ने पेज थ्री पिपल्स च्वाइस अवार्डको यो चौथो संस्करण हो । यस अवार्डमा नेपाल भाषाको कला क्षेत्रमा सो वर्ष उत्कृष्ट कलाकारको मनोनयन गरेर जनताको मतद्वारा विजेताको घोषणा गर्ने गर्दछ । यस पटक कुल ४६ विधाअन्तर्गत...

सौराहामा निर्माण हुँदै ‘क्यानोपी’

चितवनको पर्यटकीय क्षेत्र सौराहामा नयाँ पर्यटकीय गन्तव्य क्यानोपी निर्माण गरिने भएको छ । पर्यटकलाई थप आकर्षण गर्न सौराहा नजिकै रहेको बाघमारा मध्यवर्ती सामुदायिक वनमा ‘क्यानोपी’को अवधारणा अगाडि बढाइएको हो ।

मदनको कथा : चिसो एस्ट्रे

‘आँखामा आगो, ओठभरि ज्वाला बोकी एक दिन मैले पनि कलङ्कीमा इन्ट्री हानेँ,’– चलचित्र चिसो एस्ट्रेको संवाद हो यो जुन काठमाडौँ सहरसँग माया गाँस्न हिँडेका चलचित्रका मुख्य पात्र मदन (दिव्यदेव)को कथामा केन्द्रित छ । ‘चिसो एस्ट्रे’ चलचित्र मदन वरिपरि घुमेको छ । गाउँबाट काठमाडौँ छिरेका मान्छेका सपना कसरी धुलो धुवाँमा उड्छन् भनेर चलचित्रले प्रस्ट्याउन खोजेको छ । मदनले काठमाडौँमा इन्ट्री हानेपछि उसको धेरै कुरामा परिवर्तन...

बक्यौता बुझाउन ताकेता

सञ्चालनमा नरहेका वायुसेवा प्रदायक कम्पनीलाई बक्यौता रकम बुझाउन नेपाल नागरिक उड्डयन प्राधिकरणले फेरि ताकेता गरेको छ । प्राधिकरणले चौथो पटक आइतबार सार्वजनिक सूचना जारी गर्दै बक्यौता रकम बुझाउन निर्देशन दिएको हो ।

अल्पकालीन अन्तरिम आदेश

सर्वोच्च अदालतले विद्युत् नियमन आयोगका पदाधिकारी हटाउने सरकारको निर्णय तत्काल कार्यान्वयन नगर्न अल्पकालीन अन्तरिम आदेश जारी गरेको छ । न्यायाधीश डा. आनन्दमोहन भट्टराईको एकल इजलासले चैत १३ गतेसम्म निर्णय कार्यान्वयन नगर्न आइतबार अल्पकालीन अन्तरिम आदेश जारी गरेको हो ।

छुवाछूत मानव समाजको कलङ्क

प्रधानमन्त्री शेरबहादुर देउवाले जातीय विभेद तथा छुवाछूत मानव समाजको कलङ्क भएको बताउनुभएको छ । प्रधानमन्त्रीले ५७औँ अन्तर्राष्ट्रिय जातीय विभेद उन्मूलन दिवसको अवसरमा सोमबार दिनुभएको शुभकामना सन्देशमा सो कुरा उल्लेख छ ।

बजेट नसार्न उद्योगीको आग्रह

चालू आर्थिक वर्षमा बाँकेको नौवस्ता औद्योगिक क्षेत्रको बस्ती व्यवस्थापन, विद्युत् वितरण र पूर्वाधार निर्माणका लागी आएको बजेटमध्ये झन्डै आधा रकम रकमान्तर गर्न खोजिएकामा बाँकेका उद्योगी व्यवसायीले असन्तुष्टि जनाएका छन् ।