पाँच लाख घरको पुनर्निर्माण सम्पन्न

राष्ट्रिय पुनर्निर्माण प्राधिकरणले भूकम्पबाट क्षति भएकामध्ये पाँच लाखभन्दा धेरै घरको पुनर्निर्माण सम्पन्न भएको जानकारी दिएको छ । सङ्घीय संसदको विकास समिति तथा प्रविधि समितिको बैठकमा राष्ट्रिय पुनर्निर्माण प्राधिकरणका प्रमुख कार्यकारी अधिकृत सुशील ज्ञवालीले पाँच लाख सात हजार ६२३ घरको पुनर्निर्माण सम्पन्न भएको र दुइ लाख दुइ हजार ६४३ घर पुनर्निर्माणको क्रममा रहेको बताउनुभयो ।

सांसद सरिता गिरीको पद रिक्त

जनता समाजवादी पार्टी (जसपा) की सांसद सरिता गिरीको प्रतिनिधिसभा सदस्य पद रिक्त भएको सङ्घीय संसद सचिवालयले जनाएको छ । सङ्घीय संसदका महासचिव डा भरतराज गौतमले बिहीबार सूचना प्रकाशित गरी सो पद रिक्त भएको जानकारी गराउनुभयो । सो पार्टीले संसदीय दलको ह्वीपको उल्लङ्घन गरेको भन्दै पार्टीको केन्द्रीय कारिणी समितिको बैठकबाट गिरीलाई पार्टी विधानअनुसार निष्कासन गर्ने निर्णय गरेको थियो ।

सुदूरपश्चिममा ८५ सङ्क्रमित मात्रै अस्पतालको आइसोलेसनमा

सुदूरपश्चिम प्रदेशमा कोरोना सङ्क्रमितको सङ्ख्या तीन हजार ८७१ पुगेको छ । यसमध्ये ९९३ जना विभिन्न अस्पतालवाट डिस्चार्ज भइसकेका छन् । बाँकी रहेका दुई हजार ७८५ सङ्क्रमितमध्ये ८५ जना मात्रै अस्पतालको आइसोलेसनमा उपचाररत रहेको सुदूरपश्चिम प्रदेश सामाजिक विकास मन्त्रालयले जनाएको छ । मन्त्रालयका स्वास्थ्य महाशाखा प्रमुख नरेन्द्र कार्कीले नियमित प्रेस ब्रिफिङमा बुधबार मात्रै अछामका ५५ जना सङ्क्रमितलाई अस्पताल र...

कास्कीमा थपिए १३ सङ्क्रमित

कास्कीमा बुधबार १३ काेराेना सङ्क्रमित थपिएका छन् । पोखरा महानगरपालिकामा १० सहित १३ जनामा कोरोना भाइरस सङ्क्रमण पुष्टि भएको गण्डकी प्रदेश स्वास्थ्य निर्देशनालयका निर्देशक डा. विनोदविन्दु शर्माले जानकारी दिनुभयो । पोखराका १० जना सङ्क्रमितमध्ये सबै पुरुष हु्न् भने अन्य तीन जना मादी गाउँपालिकाका रहेका छन् ।

पेन्सन लिन भारत गएका ज्येष्ठ नागरिककाे मृत्यु

पेन्सल लिन भारत गएका एक ज्येष्ठ नागरिकको बैङ्कको लाइनमै बसेका बेला ढलेर मृत्यु भएको छ ।  बैतडीको दशरथचन्द नगरपालिका–८ का ८२ वर्षका धनसिंह रावलको मृत्यु भएको प्रहरीले जानकारी दिएको छ ।  बुधबारदेखि तीन दिनका लागि झुलाघाट पुल खुलेपछि उहाँ पेन्सन लिन झुलाघाट पारि भारत जानुभएको थियो । मृतक भारतीय सेनाबाट सेवानिवृत्त हुनुहुन्थ्यो ।

गोरखाका ५२ कोरोना सङ्क्रमित निको भएर घर फर्किए

गोरखामा ५२ जना कोरोना सङ्क्रमित निको भएर घर छन् । हालसम्म ९५ जनामा कोरोना सङ्क्रमण भेटिएको गोरखामा मङ्गलबार मात्र २१ जना कोरोनामुक्त भएका छन् । गोरखा क्याम्पस आइसोलेसनमा उपचाररत छ स्थानीय तहका २१ जनालाई एकैपटक पुष्पगुच्छा दिएर बिदाइ गरिएको स्वास्थ्य कार्यालयका सूचना अधिकारी राजुरमण न्यौपानेले जानकारी दिनुभयो । उहाँहरूमध्ये दुई जना महिला र १९ पुरुष रहेको उहाँले बताउनुभयो ।

बाजुराका ९२ बस्ती पहिरोको उच्च जोखिममा

बाजुराका नौ वटै स्थानीय तहका झण्डै ९२ बस्ती पहिरोको उच्च जोखिममा रहेका छन् । पाखो तथा भिरालो ठाउँका बस्तीमा माथिबाट पहिरो आउने र तलबाट खोला काट्दैजाने हुँदा ती बस्ती पहिरो र खोलाको उच्च जोखिममा रहेका हुन् । राष्ट्रिय योजना आयोगले शहरी विकासमार्फत बस्ती विकासका लागि काम गर्ने भएपछि स्थानीय तहले जोखिममा रहेका बस्तीको पहिचान गरेका छन् । पहिचान भएका बस्तीमा बडिमालिका नगरपालिकाका वडा नं १ र २ को भौनेरा, घागर, ३ को मुसीगाउँ,...

बजार खुल्यो तर व्यापार भएन, व्यवसायीलाई ऋण तिर्ने चिन्ता

बजार खुलेपनि व्यापार नहुँदा चितवनका व्यवसायीहरू बैङ्कको ऋण कसरी तिर्ने भन्नेमा चिन्तित छन् । असार लागेपछि लकडाउन केही खुकुलो भएपनि सार्वजनिक सवारी साधन नचल्दा र रोगको डर कायमै भएपछि बजारमा चहलपहल कम भएको छ । चैत्र ११ गतेदेखि कोरोना सङ्क्रमणको डरले भएको लकडाउन अहिलेसम्म जारी छ । असारको ३ गतेबाट केही खुकुलो भएपनि खरिद बिक्री राम्रोसँग हुन नसकेको व्यापारीहरूले बताएका छन् ।

दुई जना थपिएसँगै म्याग्दीमा २१ पुग्यो कोरोना सङ्क्रमित

वैदेशिक रोजगारीबाट आएर हिमाली जिल्ला म्याग्दीको बेनीस्थित न्यू वेष्ट प्वाइन्टमा रहेको क्वारेन्टाइनमा बसेका दुई जनामा कोरोना पुष्टि भएको छ । थप दुई जनामा कोरोना पुष्टि भएसँगै म्याग्दीमा सङ्क्रमित हुनेको सङ्ख्या २१ पुगेको छ । गत असार १८ गते कुबेतबाट आएर बेनीको क्वारेन्टीनमा बसेका मंगला गाउँपालिका–२ का ३५ वर्षिय पुरुष तथा गत असार १९ गते भारतबाट आएर बेनीको क्वारेन्टीनमा बसेका बेनी नगरपालिका–१, रत्नेचौरका ३३ वर्षिय...

हालै पदोन्नति भएका प्राविधिक प्रहरी अधिकृतहरू दर्ज्यानी चिन्हद्वारा सुशोभित

नेपाल सरकार गृहमन्त्रालय सचिवस्तरको २०७७ असार २३ गतेको निर्णयअनुसार प्राविधिक प्रहरी उपरीक्षक र प्राविधिक प्रहरी नायब उपरीक्षक पदमा पदोन्नति भएका प्रहरी अधिकृतहरू दर्ज्यानी चिन्हद्वारा सुशोभित हुनुभएको छ । प्रहरी महानिरीक्षक ठाकुरप्रसाद ज्ञवालीले उक्त निर्णयबाट पदोन्नति भएका नौ जनामध्ये सात जना प्राविधिक प्रहरी अधिकृतहरूलाई प्रहरी प्रधान कार्यालयमा मङ्गलबार आयोजित एक कार्यक्रमबीच दर्ज्यानी चिन्हद्वारा...