मूल्य बढ्यो, गाउँमा छैन मालागेडी

आठ वर्षअघि प्रतिक्विन्टल आठ हजारमा विक्री हुने मालागेडीको बजार मूल्य अहिले प्रतिक्विन्टल पचास हजार रुपियाँ पुगेको छ । प्रत्येक वर्ष दुईसयदेखि तीनसय क्विन्टलसम्म मालागेडी तुलसीपुर उपमहानगरपालिका वडा नम्बर १९ छिल्लीकोट क्षेत्रबाट विक्री हुन्थ्यो । तर अहिले पन्ध्र क्विन्टल मालागेडी समेत त्यस क्षेत्रमा छ ।

४८ अर्ब ऋण सहायतामा प्रारम्भिक सहमति

नेपाललाई करिब साढे ४८ अर्ब रुपियाँ (४० करोड अमेरिकी डलर) ऋण सहुलियत उपलब्ध गराउन अन्तर्राष्ट्रिय मुद्रा कोष(आईएमएफ) सहमत भएको छ । कोभिड–१९ सङ्क्रमणका कारण नेपालको आर्थिक, सामाजिक र स्वास्थ्य क्षेत्रले व्यहोरेको नोक्सानीबाट पुनरोत्थानका लागि उक्त ऋण सहायता प्रयोग हुने कोषले जनाएको छ । कर्मचारी तहबाट सहमति भए पनि कोषको व्यवस्थापन र कार्यकारी बोर्डले स्वीकृति दिन भने बाँकी नै छ ।

किसानको आर्थिक भरथेग गर्दैै किवी

पछिल्लो समय किवी फलबाट राम्रो आम्दानी हुनथालेपछि पूर्वी पहाडका किसानले किवी खेतीलाई निकै महìव दिन थालेका छन् । इलाम, पाँचथर, ताप्लेजुङ, भोजपुर, ओखलढुङ्गालगायतका पहाडी जिल्लाको हावापानीमा उपयुक्त देखिएको किवीबाट बर्सेनि राम्रो आम्दानी हुन थालेको किसानहरू बताउँछन् ।

फेरि मुद्दती निक्षेपमा लगानी गर्दै राष्ट्र बैङ्क

नेपाल राष्ट्र बैङ्कले फेरि बैङ्क तथा वित्तीय संस्थाको मुद्दती निक्षेपमा एक अर्ब २५ करोड रुपियाँ लगानी गर्ने भएको छ । राष्ट्र बैङ्कको कर्मचारी सुरक्षण कोषमा रहेको सो रकम वाणिज्य बैङ्क, विकास बैङ्क र फाइनान्स कम्पनीको मुद्दती निक्षेपमा ३६५ दिन अवधिका लागि लगानी गर्न लागेको हो ।

कर्णालीका सात जिल्ला खाद्य असुरक्षित

कर्णाली प्रदेशका सात जिल्ला खाद्य असुरक्षित रहेको पाइएको छ । कर्णाली प्रदेशका दस जिल्लामध्ये डोल्पा, मुगु, हुम्ला, जुम्ला, कालिकोट, जाजरकोट र दैलेख खाद्यमा असुरक्षित देखिएका हुन् । आफ्नो उत्पादन अपुग हुनेको घरधुरीको सङ्ख्या कर्णाली प्रदेशभर ७७ दशमलव २८ प्रतिशत रहेको र वर्षभरि खान पुग्नेको सङ्ख्या ३८ प्रतिशत मात्र रहेको तथ्याङ्कले देखाएको छ ।