घट्यो विद्युत् उत्पादन, आयात सुरु

स्वदेशी विद्युत् उत्पादन घट्दै गएपछि नेपाल विद्युत् प्राधिकरणले भारतबाट विद्युत् आयात गर्न सुरु गरेको छ । नदीमा पानीको बहाव घटेर विद्युत् उत्पादन घटेपछि प्राधिकरणले आइतबारदेखि विद्युत् आयात सुरु गरेको हो ।

आय बढेपछि बाख्रापालनमा आकर्षण

बाख्रापालनबाट राम्रो आम्दानी हुन थालेपछि सर्लाहीका किसान यसतर्फ आकर्षित भएका छन् । जिल्लामा पछिल्लो समय बाख्रपालन गर्ने किसानको सङ्ख्या उल्लेख्य वृद्धि भएको छ । बाख्राबाट आम्दानी बढेपछि घरव्यवहार धान्न पनि सजिलो हुने गरेको किसानले बताएका छन् । खेतीपातीसँगै बाख्रापालन पनि गर्दै आइरहनुभएका ईश्वरपुर नगरपालिका–१२, कालिञ्जोरका किसान भीमसेन थापाले भन्नुभयो, “बाख्राबाट घरखर्च चलाउन सारै सजिलो भइरहेको छ, गोठमा रहेका...

निगमलाई खतराजन्य पदार्थ ओसारपसार गर्न अनुमति

राष्ट्रिय ध्वजावाहक नेपाल वायुसेवा निगमले खतराजन्य पदार्थ ओसारपसार गर्न पाउने भएको छ । हवाई सेवाको नियामक नेपाल नागरिक उड्डयन प्राधिकरणले सोमबार संस्कृति, पर्यटन तथा नागरिक उड्डयन मन्त्रालयमा आयोजित एक कार्यक्रममा निगमले त्यस्ता पदार्थ ओसारपसार गर्न पाउने अनुमति प्रदान गरेको हो । प्राधिकरणका महानिर्देशक राजकुमार क्षेत्रीले निगमका कार्यकारी अध्यक्ष युवराज अधिकारीलाई अनुमतिपत्र प्रदान गर्नुभएको हो ।

कार्गो रेल सञ्चालन गर्न पहल

भारतको बथनाहादेखि विराटनगर बुधनगर एकीकृत भन्सार जाँचचौकी (आईसीपी)स्थित नेपाल कस्टम यार्डसम्म कार्गो रेल सञ्चालन गर्न उद्योग वाणिज्य तथा आपूर्ति मन्त्रालयले अन्तरसरकारी समन्वयको काम थालेको छ । मोरङको कटहरीसम्म विस्तार भइरहेको रेलमार्ग निर्माण हुन अझै समय लाग्ने भएपछि सम्पन्न भइसकेको बुधनगरसम्म कार्गो रेल ल्याउन छलफल थालिएको हो ।

‘वित्तीय स्थिरता आवश्यक’

वित्तीय सङ्घीयता कार्यान्वयनमा नेपालले उल्लेखनीय प्रगति हासिल गरे पनि वित्तीय स्थिरताका लागि अझै धेरै प्रयास आवश्यक रहेको एक अध्ययनले देखाएको छ । विश्व बैङ्कले सोमबार सार्वजनिक गरेको ‘सार्वजनिक खर्चको समीक्षा’ प्रतिवेदनले वित्तीय दिगोपनलाई प्राथमिकतामा राखेर पुनरुत्थानशील तथा समावेश विकास तर्फको यात्रा सम्भव रहेको उल्लेख गरेको हो ।