उडान विस्तार

सरकारी स्वामित्वको नेपाल एयरलाइन्सले कर्णाली र सुदूरपश्चिम प्रदेशका हिमाली जिल्लामा सेवा विस्तार गरेको छ । सडक यातायात नजोडिएका यी जिल्लामा सहुलियत दरमा उडान भरेर जनतालाई सेवा प्रदान गर्न उडान थपिएका हुन् । नेपाल एयरलाइन्स हुम्लाका प्रमुख दानबहादुर सुनारले एउटा उडानबाट सुरु भएको सिमकोटका लागि अहिले हप्तामा चारवटा उडान भइरहेको जानकारी दिनुभयो । यात्रुको चापलाई ध्यानमा राखेर उडान विस्तार गरेको बताउनुभयो ।

चिया श्रमिकले पाएनन् न्यूनतम ज्याला

चिया श्रमिकको न्यूनतम ज्यालाको समस्याप्रति स्थानीय तहले चासो नदेखाउँदा श्रमिक मर्कामा परेका छन् । चिया श्रमिकको न्यूनतम दैनिक पारिश्रमिक ४१५ रुपियाँ निर्धारण भए पनि सबै चिया बगानले लागू नगरेको श्रमिकको गुनासो छ । न्यूनतम ज्याला नपाउँदा श्रमिकको जीवनयापन, छोराछोरीको शिक्षादिक्षा, स्वास्थ्यलगायतमा समस्या रहेको उहाँहरूको भनाइ छ ।

जहाँ दृष्टिविहीनले डोहो-याउँदै खुवाउँछन्

अँध्यारो कोठा, बीचमा केही टेबल अनि कुर्सी । साथमा दृष्टिविहीन व्यक्तिको सहारा । अब कल्पना गर्नुहोस्, यस्तो ठाउँमा बसेर तपाईं खाना खाँदै हुनुहुन्छ, त्यो पनि नेपाली स्वादको । यो हो ‘अ फाइन डाइन इन’ रेष्टुराँको दृष्य ।

अटोमोबाइल्सलाई उद्योगमा रुपान्तरण गर्नूस् : अर्थमन्त्री

अर्थमन्त्री जनार्दन शर्माले नेपालमा अटोमोबाइल्स उद्योग स्थापना गर्न व्यवसायीलाई आग्रह गर्नुभएको छ । अटोमोबाइल्स व्यवसायीको छाता संस्था नाडा अटोमोबाइल्स एसोसिएसन अफ नेपालको बुधबार राजधानीमा आयोजित ४५औँ वार्षिक साधारणसभाको उद्घाटन समारोहलाई सम्बोधन गर्दै उहाँले नेपालमै गाडी उत्पादन गर्ने उद्योग स्थापना गरी भन्सारमा आधारित राजस्व योगदानलाई परिवर्तन गर्न आग्रह गर्नुभयो ।

अमेरिकाको सरकारी जागिर छाडेर थातथलाेमा पौरख

एक युवा अमेरिकाको सरकारी जागिर छाडेर थातथलाेमा पौरख गर्न थाल्नुभएको छ । मातृभूमि र नेपाली संस्कृतिको मायाका कारण उदयपुरको त्रियुगा नगरपालिका १० बोक्सेका प्रज्ज्वल अधिकारीले अमेरिकाको राम्रो कमाई, सुविधा सम्पन्न बसाई छाडेर थातथलाेमा पौरख थाल्नुभएको हो ।