२४ घण्टामा २१७ सङ्क्रमित थपिए, दुई जनाको मृत्यु

पछिल्लो २४ घण्टामा २१७ जना कोरोना भाइरसका सङ्क्रमित थपिएका छन् । सात हजार २३३ जनामा पीसीआर परीक्षण गरिएकोमा २१७ जनामा कोरोना सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।

एक डोज लगाए पुग्ने जोन्सन एण्ड जोन्सन खोप लगाउन सुरु

सरकारले विदेश जाने यात्रुलाई लक्षित गरेर जोन्सन एण्ड जोन्सन खोप लगाउन सुरु गरेको छ। एक डोज लगाए पुग्ने जोन्सन एण्ड जोन्सन खोप बुधबारबाट उपत्यकामा लगाउन सुरु गरिएको हो । उपत्यकाका विभिन्न अस्पतालबाट जोन्सन एण्ड जोन्सन खोप लगाउन सुरु गरिएको स्वास्थ्य सेवा विभाग, परिवार कल्याण महाशाखाका बालस्वास्थ्य तथा खोप शाखाका प्रमुख सागर दाहालले जानकारी दिनुभयो ।

मलेसियामा बाढीबाट १७ को मृत्यु, ७० हजार जना विस्थापित

मलेसियामा हालै आएको बाढीबाट कम्तीमा पनि १७ जनाको ज्यान गएको छ ।सो बाढीमा परी अरु ७० हजार जना विस्थापित भएका बताइएको छ ।

सञ्चालनमा नआएकाे गाउँघर क्लिनिकमा सुत्केरी हुँदा शिशुको मृत्यु

सुत्केरी गराउन गाउँघर क्लिनिक लैजाँदा घाँस परालको थुप्रो भेटिएपछि गोठमा सुत्केरी हुन बाध्य महिलाले जन्माएको शिशुको मृत्यु भएको छ ।

बालबालिकालाई खोप आज

फाइजर खोपको दोस्रो मात्रा लगाउन छुटेका उपत्यकाका बालबालिकाका लागि बुधबार खोपको व्यवस्था गरिएको छ । स्वास्थ्य कार्यालय काठमाडौँका प्रमुख शम्भु काफ्लेले धेरै बालबालिकाले पहिलो मात्रा लगाएका तर दोस्रो मात्रा लगाउन बाँकी रहेको गुनासो आएपछि फाइजर खोपको दोस्रो मात्रा बुधबारका लागि छाउनीस्थित नेपाली सैनिक अस्पतालमा व्यवस्था गरिएको बताउनुभयो ।