एकै दिन एक लाख बढीले लगाए खोप

पछिल्लो २४ घण्टामा नेपालमा एक लाख बढीले कोरोना भाइरस विरुद्धको खोप लगाएका छन् । स्वास्थ्य तथा जनसंख्या मन्त्रालयका अनुसार पछिल्लो एक लाख तीन हजार २०९ जनाले खोप लगाएका हुन् ।

थप २०९ जनामा सङ्क्रमण पुष्टि, एकको मृत्यु

पछिल्लो २४ घण्टामा २०९ जना कोरोना भाइरसका सङ्क्रमित थपिएका छन् । चार हजार १४५ जनामा आरटीपीसीआर परीक्षण गरिएकोमा २०९ जनामा कोरोना सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।

भेरी अस्पतालमा थप एक संक्रमतिको मृत्यु

नेपालगञ्जस्थित भेरी अस्पतालमा उपचारका क्रममा थप एक संक्रमतिको मृत्यु भएको छ । कोरोना पुष्टि भएपछि स्वास्थ्य अवस्था गम्भीर हुँदै गएकोले भेरी अस्पताल भर्ना रहनु भएका तुलसीपुर उपमहानगरपालिका–६ दाङका ३५ वर्षीय पुरुषको मृत्यु भएको जिल्ला कोभिड व्यवस्थापन केन्द्र बाँकेले जनाएको छ ।

वीर अस्पतालको टिकट अब घरबाटै काट्न मिल्ने

देशकै पुरानो वीर अस्पतालले बिरामीको टिकट वितरणमा डिजिटल सेवाको सुरुवात गरेको छ । शुक्रबारदेखि अस्पतालले मोबाइल एप्लिकेसनमार्फत् अनलाइन टिकट लिन सक्ने गरी सेवाविस्तार गरेको हो ।

मकवानपुरमा एचआईभी सङ्क्रमित बढ्दै

मकवानपुर जिल्लामा हाल एचआईभी सङ्क्रमितको सङ्ख्या ३९९ पुगेको एक तथ्याकङ्ले देखाएको छ । यसको सङ्ख्या महिनैपिच्छे बढ्दै गएको हेटौँडा अस्पतालले जनाएको छ । प्रत्येक महिना ४– ५ एचआईभीका नयाँ सङ्क्रमित देखिने गरेको छ । उक्त अस्पतालका अनुसार जिल्लामा ती सङ्क्रमितमध्ये १४७ महिला, १४४ पुरुष र १८ तेश्रो लिङ्गीे रहेको बताइएको छ । उनीहरुले उक्त अस्पतालबाट सङ्क्रमणविरुद्धको एआरटी औषधि नियमितरुपमा सेवन गरिरहेको जनाइएको छ...