२४ घण्टामा २७४२ सङ्क्रमित, आठ हजार ७२३ डिस्चार्ज, १४ को मृत्यु

पछिल्लो २४ घण्टामा दुई हजार ७४२ जनामा कोरोना सङ्क्रमण पुष्टि भएको छ । स्वास्थ्य तथा जनसङ्ख्या मन्त्रालयका अनुसार दश हजार २६ जनाको पीसीआर परीक्षण गर्दा दुई हजार ७४२ जनामा सङ्क्रमण पुष्टि भएको हो । सोही अवधिमा दुई हजार ५७९ जनाको एन्टीजेन परीक्षण गर्दा ४३३ जनामा सङ्क्रमण पुष्टि भएको छ ।

१८ वर्षमाथिका ७० प्रतिशतलाई पूर्ण खोप दिएकाेमा डब्लुएचओद्वारा बधाई

नेपालले कोभिड–१९ विरुद्धको खोप अभियानमा नयाँ कोशेढुङ्गा पार गरेको छ । नेपालले १८ वर्षमाथिको उमेर समूहका ७० प्रतिशत व्यक्तिहरूलाई पूर्ण खोप प्रदान गरेको हो । विश्व स्वास्थ्य सङ्गठन (डब्ल्युएचओ)ले ७० प्रतिशत बयस्क जनसङ्ख्यालाई कोभिडविरुद्धको पूर्ण खोप प्रदान गर्न सफल भएकामा नेपाललाई बधाई पनि दिएको छ । “सत्तरी प्रतिशत जनसङ्ख्यालाई कोभिडविरुद्धको पूर्ण खोप लगाउन सफल भएकामा नेपाललाई बधाई ।यो नेपाल तथा सहयोगी निकायको...

कपिलवस्तु नगरपालिकामा आईसियु र भेन्टीलेटरसहितको एम्बुलेन्स

कपिलवस्तुको कपिलबस्तु नगरपालिकाले कोरोनाको तेस्रो लहर तीब्र रुपमा फैलिरहेका बेला आईसियु र भेन्टीलेटरसहितको एम्बुलेन्स सञ्चालनमा ल्याएको छ । जटिलखालको बिरामीलाई लक्षित गरी नगरपालिकाले फोर्स कम्पनीको एम्बुलेन्स खरिद गरी सञ्चालनमा ल्याएको हो । कपिलबस्तु नगरपालिकाले एम्बुलेन्स खरिद गर्ने प्रक्रिया गत जेठमा नै अघि बढाएको थियो ।

तेस्रो भेरियन्टका छैनन् जुम्लामा गम्भीर बिरामी

तेस्रो भेरियन्टको कोरोनामा खासै गम्भिर प्रकारका बिरामी यहाँ नदेखिएको अस्पतालको भनाइ छ । दोस्रो चरणको कोरोना लहरमा जसरी मान्छेको ज्यान गुमाउनु पर्ने अवस्था थियो, त्यस्तो गम्भीर प्रकारका बिरामी अहिले नभएको स्वास्थ्यकर्मीहरुले बताउनुभएको छ ।

कालीकोटको दुर्गम क्षेत्रका बालबालिकालाई कोरोना खोप

कालीकोट जिल्लाको पलाँता गाउँपालिका बालबालिकाले कोरोनाविरुद्धको खोप लगाएका छन । माघ १६ गतेदेखि १८ गतेसम्म कोरोनाविरुद्धको खोप अभियानमा पलाँता गाउँपालिका भित्रका बालबालिकाले कोरोनाविरुद्धको पहिलो मात्रा मोर्डना खोप लगाएका हुन् ।