भेरी अस्पतालमा दुई जना कोरोना सङ्क्रमितको मृत्यु

भेरी अस्पतालमा उपचाररत दाङ र बाँकेका दुई जना थप कोरोना सङ्क्रमितको मृत्यु भएको छ । जिल्ला कोभिड व्यवस्थापन समिति बाँकेका अनुसार भेरी अस्पतालको कोभिड वार्डमा उपचाररत शान्तिनगर गाउँपालिका–३ का ८० वर्षीय पुरुष र नेपालगञ्ज उपमहानगरपालिका–८ का ८६ वर्षीय पुरुषको मृत्यु भएको हो ।

मधेस प्रदेश : खोप लगाउने बढ्दै,कोरोना ग्राफ घट्दै

कोरोनाविरुद्धको पूर्ण डोज खोप लगाउने दर बढेसँगै मधेस प्रदेशमा विगत केही दिनदेखि कोरोना ग्राफ ओरालो लाग्दै गएको छ । यही माघको दोस्रो सातासम्म दैनिक दुई सयको हाराहारीमा सङ्क्रमित थपिँदै गएकामा विगत केही दिनदेखि त्यो सङ्ख्या ५० को हाराहारीमा झरेको मधेस प्रदेश स्वास्थ्य निर्देशनालयले जनाएको छ ।

बाँकेमा ३१ हजार ६१७ बालबालिकाले लगाए मोडर्ना खोप

बाँकेमा १२ देखि १७ वर्ष उमेर समूहका ३१ हजार बढी बालबालिकाले कोरोनाविरुद्धको मोडर्ना खोप लगाएका छन् । बुधबारदेखि १२ वर्षदेखि १७ वर्ष उमेर समूहका बालबालिकालाई मोडर्ना खोप लगाउन सुरु गरेको खोप अभियानअन्तर्गत बाँकेमा ३१ हजार ६१७ बालबालिकाले खोप लगाएका हुन् ।

सुदूरपश्चिममा युवा बढी सङ्क्रमित

सुदूरपश्चिम प्रदेशमा कोरोना सङ्क्रमित हुनेमा युवा पुस्तामा बढी देखिएका छन् । प्रादेशिक स्वास्थ्य निर्देशनालयले सार्वजनिक गरेको हालसम्मको तथ्याङ्क अनुसार युवा पुस्तामा सङ्क्रमण बढी देखिएको हो ।

ओरालो लाग्दै कोरोना संक्रमण

नेपालमा केही दिनयता कोरोना संक्रमितको संख्या घट्दै गइरहको छ। गत हप्ताको तुलनामा औषत संक्रमणदर ११ Þ८ प्रतिशतले कमी आएको मन्त्रालयका प्रवक्ता डा.संगीता मिश्राले जानकारी दिनुभयो। गत हप्ता एक लाख २० हजार २९९ आरटी पीसीआर परीक्षण गर्दा ६९ हजार ६६५ जनामा कोरोना पुष्टि भएको थियो। यो हप्ता घटेर ८४ हजार २३१ जनाको आरटी पीसीआर गर्दा २९ हजार ६९० जनामा कोरोना पुष्टि भएको प्रवक्ता डा. मिश्राले जानकारी दिनुभयो। आरटी पीसीआर गर्दा...