उपत्यकामा थपिए १९ सय सात सङ्क्रमित

पछिल्लो २४ घण्टामा काठमाडौं उपत्यकामा १९ सय ७ जनामा कोरोना सङ्क्रमण पुष्टि भएको छ । स्वास्थ्य तथा जनसङ्ख्या मन्त्रालयका अनुसार काठमाडौं १४०४, लतिलपुर ३०५ र भक्तपुर १९५ गरेर २४ घण्टामा १९ सय ७ जनामा सङ्क्रमण पुष्टि भएको हो । मन्त्रालयका अनुसार योसँगै उपत्यकामा सक्रिय सङ्क्रमितको सङ्ख्या काठमाडौंमा २९ हजार ५२०, ललितपुरमा नौ हजार ७२३ र भक्तपुरमा ५ हजार २८८ गरेर ४४ हजार ५३१ जना छन् ।

तीन हजार ६५७ सङ्क्रमित, आठ हजार २६७ डिस्चार्ज, नौको मृत्यु

पछिल्लो २४ घण्टामा तीन हजार ६५७ जनामा कोरोना सङ्क्रमण पुष्टि भएको छ । स्वास्थ्य तथा जनसङ्ख्या मन्त्रालयका अनुसार दश हजार ७७६ जनाको पीसीआर परीक्षण गर्दा ३ हजार ६५७ जनामा सङ्क्रमण पुष्टि भएको हो । सोही अवधिमा छ हजार ८९८ जनाको एन्टीजेन परीक्षण गर्दा एक हजार ९२६ जनामा सङ्क्रमण पुष्टि भएको छ ।

तनहुँमा बालबालिकालाई मोडर्ना खोपको दोस्रो मात्रा लगाउन सुरु

तनहुँका बालबालिकालाई कोरोनाविरुद्धको दोस्रो चरणको मोडर्ना खोप लगाउन सुरु भएको छ । १२ देखि १७ वर्ष उमेर समूहका बालकालिकालाई सोमबारबाट मोडर्ना खोपको दोस्रो मात्र लगाउन सुरु गरिएको हो । खोप लगाउनको लागि जिल्लाका १० वटै स्थानीय तहमा सोमबारदेखि यही माघ २१ गतेसम्म विद्यालय खुलाइएको स्वास्थ्य कार्यालय तनहुँका सूचना अधिकारी शङ्करबाबु अधिकारीले जानकारी दिनुभयो ।

म्याग्दी कुष्ठरोगका जोखिममा : यसवर्ष ६ नयाँ रोगी भेटिए

म्याग्दी जिल्ला कुष्ठरोगका जोखिममा रहेको पाइएको छ । जनस्वास्थ्यको समस्याका रूपमा छैन भनेर दशकअघि नै उन्मूलनको घोषणा गरिए पनि यस वर्ष जिल्लामा छ नयाँ कुष्ठरोगी भेटिएका छन् । ६९औँ कुष्ठरोग तथा उपेक्षित रोग दिवसका अवसरमा बेनीमा हालै आयोजित कार्यक्रममा गत वर्षका नियमित औषधि सेवन गर्ने तीन र यस वर्ष नयाँ छ जना गरी नौजना कुष्ठरोगी पहिचान गरिएको स्वास्थ्य कार्यालयका परिवार नियोजन सुपरभाइजर गणेश सुवेदीले जानकारी दिनुभयो...

नेपालमा दुई दिनमा २३ लाख मात्रा भन्दा बढी मोडर्नाकाे खोप भित्रियो

नेपालमा दुई दिनमा २३ लाखभन्दा बढी कोरोनाविरुद्धको मोडर्ना खोप भित्रिएको छ । सोमाबार ११ लाख ७० हजार र मंगलबार ११ लाख ७० हजार गरेर २३ लाख ४० हजार मात्रा मोडर्ना खोप नेपाल भित्रिएको स्वास्थ्य सेवा विभागअन्तर्गतको आपूर्ति व्यवस्था महाशाखाका प्रमुख डा. सुरेन्द्र चौरासियाले जानकारी दिनुभयो ।