प्रम देउवासँगको भेट लगत्तै प्रचण्ड र ओलीबीच बानेश्वरमा छलफल

सत्ता साझेदार दल नेकपा माओवादी केन्द्रका अध्यक्ष पुष्पकमल दाहाल प्रचण्ड र प्रमुख प्रतिपक्षी दल नेकपा एमाले अध्यक्ष केपी शर्मा ओलीबीच बानेश्वरमा छलफल सुरु भएको छ ।

प्रम देउवा र ओलीबीच छलफल सकियो, साँझ ७ बजे पुनः छलफल हुने

प्रधानमन्त्री शेरबहादुर देउवा र नेकपा (एमाले)का अध्यक्ष केपी शर्मा ओलीबीच फेरि भेटवार्ता हुने भएको छ । बिहीबार प्रतिनिभिसभा बैठक स्थगित भएपछि बानेश्वरमा प्रधानमन्त्री देउवा र एमालेका नेताहरुसँग भएको छलफल सकिएको छ । छलफलपछि काँग्रेसका महामन्त्री गगन थापाले बिहीबार राति ७ बजे बालुवाटारमा प्रधानमन्त्री देउवा र अध्यक्ष ओलीबीच पुनः छलफल हुने जानकारी दिनुभयो हो ।

एमसीसीबारे बोल्न चाहना राख्ने सबै सदस्यले बोल्न पाउने, समय पाँच मिनेट

अमेरिकी सहायता परियोजना )एमसीसीबारे आज संसदमा छलफल मात्र अघि बढ्ने भएको छ । बैठक अघि बसेको संसद कार्यव्यबस्था परामर्श समितिको बैठकमा सहभागी एक सदस्यका अनुसार सदनमा बोल्न चाहने सबै सदस्यले छलफलमा भाग लिन पाउने छन् ।

काठमाडाैंकाे फाेहर उठाउन अझै एक–दुई दिन लाग्ने

काठमाडौंको फोहोर एक हप्ता बित्दा पनि उठ्न सकेको छैन । सिसडोल जाने पासाङ् ल्हामु राजमार्ग अन्तर्गतको जिरो माइल नजिकै छ किलोमिटर सडक मर्मत कार्य गर्नुपरेकाले फोहोर उठ्न नसकेको काठमाडौं महानगरका प्रवक्ता ईश्वरमान डंगोलले बताउनुभयो ।

भक्तपुरबाट एक चिनियाँसहित ८० जना पक्राउ

भक्तपुरको सानो ठीमीबाट एक चिनियाँ नागरिकसहित ८० जना पक्राउ परेको महानगरीय प्रहरी परिसर भक्तपुरले जनाएको छ । परिसरका डिएसपी राजु पाण्डेले कल सेन्टरमार्फत पैसा असुल्न  विभिन्न धम्की दिने गरेको अभियोगमा उनीहरुलाई प्रक्राउ गरिएको बताउनुभयो ।