संसद्को कार्यव्यवस्था समितिको बैठक जारी

आजको संसद बैठकका विषयमा छलफल गर्न कार्यव्यवस्था समितिको बैठक संसद् भवनमा शुरु भएको छ ।

सत्ता गठबन्धनको बैठक सम्पन्न, आइतबार पुनः बस्ने

प्रधानमन्त्री निवास बालुवाटारमा बिहान बसेको सत्ता गठबन्धनको बैठक सकिएको छ । मिलिनियम् च्यालेन्ज कर्पोरेशन (एमसीसी) परियोजनालाई प्रतिनिधिसभा संसदमा छलफल गर्ने विषयमा छलफल भएको सरकारका प्रवक्ता एवम् सञ्चार तथा सूचना प्रविधि मन्त्री ज्ञानेन्द्रबहादुर कार्कीले बताउनुभयो ।

सत्ता गठबन्धनको बैठक अघि प्रचण्ड, नेपाल र यादवबीच छलफल

सत्ता गठबन्धनको बैठक बस्नु अघि नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’, नारायणकाजी श्रेष्ठ, नेकपा एकीकृत समाजवादीका अध्यक्ष माधवकुमार नेपाल, नेता झलनाथ खनाल र जनता समाजवादी पार्टी (जसपा)का अध्यक्ष उपेन्द्र यादवबीच छलफल भएको छ ।

कलंकीमा सडकमा राखिएको शंकास्पद बस्तु सेनाले निष्क्रिय बनाउँदै

कलंकी ढुङ्गेअड्ड सडकको कालीका पेट्रोल पम्प नजिक राखिएको दुईवटा संकास्पद बस्तु मध्ये एउटा निस्क्रिय बनाइएको छ । विहानै सडकमा केही शंकास्पद बस्तु देखेपछि सो क्षेत्रमा सवारी आवागमन बन्द गरिएको छ ।

प्रधानमन्त्री देउवा र एमाले अध्यक्ष ओलीबीच भेटवार्ता

प्रधानमन्त्री शेरबहादुर देउवा र प्रमुख प्रतिपक्षी दल नेकपा एमाले अध्यक्ष केपी शर्मा ओलीबीच भेटवार्ता भएको छ । एमाले अध्यक्ष ओलीका प्रेस संयोजक रामशरण बजगाँईका अनुसार आधा घण्टा देखि उहाँहरुबीच छलफल जारी छ ।