गर्भवतीको मृत्युपछि उदयपुर अस्पतालमा तनाव

उदयपुर अस्पतालमा गएराति गर्भवतीको मृत्यु भएपछि शुक्रबार तनाव भएको छ। उदयपुरगढी गाउँपालिका–६ की ३२ वर्षीया सीता राउत कार्कीको प्रसूति सेवा लिने क्रममा मृत्यु भएको हो। गर्भवतीको मृत्यु भएपछि मृतकका परिवार तथा आफन्तले लापरवाही भएको भन्दै आक्रोश पोख्ने क्रममा तनावपूर्ण स्थितिको सिर्जना भएको हो।

वैदेशिक रोजगारीमा जान श्रम स्वीकृति लिनेको संख्या बढ्याे

माघ महिनामा वैदेशिक रोजगारीमा जान श्रम स्वीकृति लिनेको संख्या बढेको छ । वैदेशिक रोजगार विभागले उपलब्ध गराएको तथ्यांक अनुसार माघ महिनामा मात्र ५४ हजार ४७० जनाले वैदेशिक रोजगारीमा जान श्रम स्वीकृति लिएको देखिएको छ ।

६५ वर्ष पुगेका पत्रकारलाई अब ‘ज्येष्ठ पत्रकार वृत्ति’

सरकारले ६५ वर्ष पुगेका पत्रकारलाई ज्येष्ठ पत्रकार वृत्ति दिने भएको छ। फागुन ११ गते बसेको सूचना तथा सञ्चार प्रविधि मन्त्रालयको सचिव स्तरीय निर्णय भएसँगै अब ज्येष्ठ पत्रकारले ६५ वर्ष पूरा भएपछि वृत्ति पाउने भएका हुन्। सरकारले ‘पत्रकार वृत्ति कोष सञ्चालन मापदण्ड–२०७८’ अनुसार ‘जेष्ठ पत्रकार वृत्ति’ प्रदान गर्ने निर्णय गरेको हो।

वीरेन्द्रनगरमा कर्फ्यू हटाएर निषेधाज्ञा

वीरेन्द्रनगरमा जारी गरिएको कर्फ्यु हटाएर निषेधाज्ञा लगाएको छ। सोमबार राति सवा आठ बजेबाट मंगलबार साँझ सात बजेसम्म कर्फ्यु अवधि तोकिएको थियो। कर्फ्यु अवधिमा अप्रिय घटना नघटेको र कर्फ्यूले नागरिकको जनजीवनमा पर्नसक्ने प्रभावलाई मध्यनजर गर्दै कफर््यू हटाएर निश्चित भीडभाड हुने ठाउँमा निषेधाज्ञा लगाइको प्रमुख जिल्ला अधिकारी खगेन्द्रप्रसाद रिजालले जानकारी दिनुभयो।

चितायन मन्दिरमा हजारौँले चढाए भान्टा

सर्लाहीको हरिपुरस्थित ऐतिहासिक एवं धार्मिकस्थल लक्ष्मीनाथ महादेव मन्दिर (चितायन मन्दिर) परिसरमा मङ्गलबार दिनभर भक्तजनको भीडभाड थियो। महाशिवरात्री पर्वको अवसरमा हरिपुर नगरपालिका–७ स्थित मन्दिरमा भान्टाको भार तथा धानको मटका चढाउनका लागि हजारौं भक्तजनको भीड लागेको हो। मुसा लगायत छालारोग निको हुने विश्वासका साथ हरेक वर्ष महाशिवरात्रीका दिन चितायन मन्दिरमा भाण्टाको भार चढाउने प्रचलन छ।