आर्युवेद शाखा केन्द्रद्वारा निःशुल्क पञ्चकर्म सेवा सुरु

पछिल्लो समय बिरामीको आकर्षण बढ्दै गएको आर्युवेद चिकित्सा विधि अन्र्तगतको पञ्चकर्म सेवा जिल्लामा निशुल्क गरिएको छ । बिरामीको चाप र मागलाई मध्यनजर राख्दै शाखाले सो सेवा निःशुल्क गरेको हो ।

कपिलबस्तुमा गहुँखेतीका लागि डीएपी मल अभाव

धान भित्र्याएर गहुँ खेती गर्ने तरखर शुरु भएका बेला कपिलबस्तुमा भने मलखादको अभाव भएको छ । यहाँका कृषक भारतीय मलको भरमा खेती गर्दै आएका छन् । अनुदानको मल धान खेती गर्ने समयमा नपाएका यहाँका किसानले गहुँखेती गर्ने बेला पनि डिएपी मल पाउने टुङ्गो छैन । जिल्लामा कृषि सहकारी संस्थाद्वारा अनुदानको मल विक्रीवितरण हुँदै आएको छ ।

आर्थिक अभावमा विद्याश्रम विद्यालय

जिल्लाको नारायण नगरपालिका–७ मा रहेको शिदेश्वर महादेव तथा गंगागिरी विद्याश्रम आर्थिक अभावका कारण संचालन गर्न कठिनाई भएको छ । सिदेश्वर महादेव तथा गंगागिरी विद्याश्रम विद्यालयका अध्यक्ष नहकुल खड्काले आर्थिक अभाव भएकै कारण शिक्षकहरु राख्न कठिनाई समेत भएको बताउनुभयो ।

बिरामी ओसार्न स्टेचरकै भर

जिल्लाका अधिकांश गाउँबस्तीमा मानिस बिरामी पर्दा स्टेचरकै भरमा ओसार्नुगर्ने बाध्यता छ । ती गाउँमा हालसम्म सडक सञ्जाल जोडिन नसक्दा बिरामीलाई स्टेचर र मानिसले बोक्नु पर्ने बाध्यता आइलागेको हो ।

बिजुली बलेपछि किलिङबासीले मनाए खुशीयाली

ताप्लेजुङको दुर्गम हिमाली बस्ती किलिङमा बिजुली बत्ती बलेपछि स्थानीयमा खुशीयाली छाएको छ । मिक्वाखोला गाउँपालिका–५ पापुङको किलिङ गाउँमा लघु जलविद्युत आयोजनामार्फत् विजुली बलेसँगै स्थानीय हर्षित भएका हुन् भने नाचगान गरेर खुशीयाली मनाएका छन् ।