तालिबानको कामको मूल्याङ्कनबाट प्रस्ट हुने

कतारी सहायक विदेशमन्त्री लोल्वाह अल–खतरले एएफपीलाई एक विशेष अन्तर्वार्ता दिँदै तालिबानी शासकलाई इस्लामवादी शासकको मान्यता भने तत्काल दिन नसकिने घोषणा गर्नुभएको छ । उहाँले भन्नुभएको छ, “अफगानिस्तानको भविष्यको निर्णय अफगानी जनताले नै गर्ने र यो अन्तरराष्ट्रिय समुदायको विषय नभएको जनाउनुभएको छ । यसअघि दोहाले तालिबानको विषयमा कतारमा राजनीतिक कार्यालय खोलेर मध्यस्ततासमेत गरेको थियो । तालिबानले व्यावहारिकताको...

अफगानिस्तानमा तालिबानको कामचलाउ सरकारले पाँच पत्रकारलाई गिरफ्तार गर्यो

कामचलाउ सरकार गठन गरेको एक दिन नबित्दै तालिबानले काबुलबाट प्रकाशित हुने एक पत्रिकाका पाँच जना पत्रकारलाई गिरफ्तार गरेको छ । काबुलबाट प्रकाशित हुने एतिलात्रोज पत्रिकाका पाँच जना पत्रकारलाई नियन्त्रणमा लिइएको एएनआईले उल्लेख गरेको छ । पत्रकारलाई नियन्त्रणमा लिइएको सम्बन्धी जानकारी पत्रिकाका प्रधान सम्पादक जाकी डरयाबीले साझा गर्नुभएको छ । टोलो न्यूजले प्रधानमन्त्री सम्पादकको भनाई उद्धृत गर्दै उक्त जानकारी ट्वीटरमा...

पाकिस्तानमा चौबीस घण्टामा ८३ सङ्क्रमितको मृत्यु

पाकिस्तानमा गएको चौबीस घण्टामा ८३ जना कोरोनाभाइरसका सङ्क्रमितको मृत्यु भएको छ । पाकिस्तानको ‘नेशनल कमाण्ड एन्ड अपरेशन सेन्टर’का अनुसार हालसम्म कोरोना सङ्क्रमणले २६ हजार ४१३ जनाको मृत्यु भएको छ । एनसीओसीका अनुसार गएको चौबीस घण्टामा ६० हजार ५३७ नमूना परीक्षण गरिएकोमा तीन हजार ९०२ मा सङ्क्रमणको पुष्टि भएको छ । प्रति एक सय परीक्षणमा पाकिस्तानमा गएको चौबीस घण्टामा ६.४४ मा सङ्क्रमणको पुष्टि भएको हो ।

मेक्सिकोमा ७ म्याग्निच्युडको भूकम्प

मेक्सिकोमा सात रिक्टेर स्केलको भूकम्प गएको छ । मेक्सिकोको लाँस ओर्गेनोस डे सान अगस्टिनमा भूकम्प गएको अमेरिकी भूगर्भ मापन(यूएसजीएस)ले जनाएको छ । यूएसजीएसले लाँस ओर्गेनोस डे सान अगस्टिनमा पृथ्वीको सतहको चार किलोमिटर भित्र भूकम्पको केन्द्र मापन गरिएको र बिस्तृत विवरण आउन बाँकी रहेको ट्वीट गरेको छ ।

उत्तरी इराकमा चार जना आईएस आतङ्ककारी मारिए

सुरक्षाकर्मीले उत्तरी इराकमा चलाएको कारबाहीमा चार जना इस्लामिक स्टेटका आतङ्ककारी मारिएका छन् । इराकको किरकुक शहरमा सुरक्षाकर्मीले खोज तलास गर्ने क्रममा मुठभेड भएको एएनआईले जनाएको छ । इराकी सेना र आतङ्क प्रतिरोध सेवा(सीटीएस)को संयुक्त कारबाही किरकुक प्रान्तको अल्तुन कुप्री शहरमा सञ्चालन गरिएको हो । उक्त शहर किरकुकको प्रान्तीय राजधानीभन्दा ४० किलोमिटर उत्तरमा पर्छ ।