सीमा विवादमा मध्यस्थता गर्ने ट्रम्पको प्रस्ताव चीनद्वारा खारेज

हामीलाई तेस्रो पक्षको हस्तक्षेप आवश्यक छैन ।” चिनियाँ विदेश मन्त्रालयका प्रवक्ता चाओ लिचियानले शुक्रबार आयोजित पत्रकार सम्मेलनमा प्रष्ट्याउनुभयो । पूर्वी लद्दाख र सिक्किम क्षेत्र जोड्ने चिनियाँ सीमामा भारत र चीनको सुरक्षाकर्मीबीच तनाव बढेपछि अमेरिकी राष्ट्रपति ट्रम्पले बुधबार दुवै देशको सीमा विवाद मुद्दामा अमेरिका मध्यस्थता गर्न सक्षम, इच्छुक र तयार रहेको बताउनुभएको थियो ।

अमेरिकामा कार्यालयहरू खुला गर्न नयाँ निर्देशिका जारी

प्रस्तावित निर्देशिकामा कार्यालय पुग्नासाथ कर्मचारीहरूले कोविड–१९ का लक्षणहरू भए नभएको परीक्षण गराउनु पर्ने उल्लेख छ । उनीहरूले कार्यालयमा प्रवेश गर्नुअघि आफ्नो शरीरको तापक्रम जाँच्नुपर्नेछ । दोस्रो, कार्यालयमा कार्यस्थलका डेस्कहरू कम्तीमा ६ फिटको दूरीमा राख्नुपर्नेछ । यदि ६ फिटको दूरी कायम गर्न नसकिए आआफ्ना डेस्कहरूको वरिपरि कडा प्लास्टिक ठड्याउनुपर्नेछ ।

कोरोना भाइरसबाट विश्वमा तीन लाख ६२ हजार भन्दा बढीको मृत्यु, ५९ लाख सङ्क्रमित

कोरोना भाइरस (कोभिड १९) बाट विश्वभर मृत्यु हुने व्यक्तिको सङ्ख्या तीन लाख ६२ हजार ३६८ पुगेको छ । सङ्क्रमितको सङ्ख्या ५९ लाख २० हजार २५८ पुगेको विश्व स्वास्थ्य सङ्गठन (डब्लुएचओ) आफ्नो दैनिक विज्ञप्तिमा जानकारी दिएको छ ।

प्रहरी नियन्त्रणमा अफ्रिकी मूलका अमेरिकीको मृत्युपछि अमेरिकाभरि प्रदर्शन

एशोसिएट प्रेसका अनुसार सामाजिक सञ्जालमा राखिएको भिडियोमा जर्ज फ्लोयडले प्रहरीको चेपाइबाट आफूलाई श्वास लिन असहज भएको भन्दै पटक पटक मुक्त गर्न आग्रह गरेको देखिन्छ । जमा भएका सर्वसाधारणले मुक्त गर्न गरेको आग्रह प्रहरी अधिकारीले अस्वीकार गर्दागर्दै फ्लोयड बेहोस हुनुभएको थियो । घटनास्थल पुगेको एम्बुलेन्स बेहोसी अवस्थामा रहेका फ्लोयडलाई अस्पताल पुर्याउँदा मृत्यु भइसकेको थियो ।

ट्विटर, सामाजिक सञ्चार माध्यमविरुद्ध राष्ट्रपति ट्रम्पको कार्यकारी आदेश

अमेरिकी राष्ट्रपति डोनाल्ड ट्रम्पले बिहीबार ट्विटर र अन्य सामाजिक सञ्चारमाध्यमका कम्पनीहरू विरुद्ध नयाँ युद्धको घोषणा गर्नुभएको छ । उहाँले यी माध्यमलाई नियन्त्रण गर्ने उद्देश्यले एउटा कार्यकारी आदेशमा हस्ताक्षर गरेर विवादको बीउ रोप्नुभएको छ ।