काेभिड युनिफाइड केन्द्रीय अस्पतालमा उपचार सेवा शुरू

वीर अस्पतालको कोभिड १९ युनिफाइड केन्द्रीय अस्पतालले आजबाट कोरोना संक्रमित विरामीको उपचार सेवा सञ्चालनमा ल्याएको छ । युनिफाइड केन्द्रीय अस्पतालका प्रमुख कार्यकारी अधिकारी प्रा।डा जागेश्वर गौतमले नयाँ भवनबाट उपचार सेवा सुरु गरिएको गोरखापत्र अनलाइनलाई जानकारी दिनुभयो । शुभारम्भ भए संगै आजबाट उक्त नयाँ भवनमा कोरोना संक्रमितको विरामीको उपचार शुरु गरिएको उहाँले जानकारी दिनुभयो ।

विवेकशील साझा पार्टीका नेता थापा रहनु भएन

विवेकशील साझा पार्टीका नेता उज्ज्वल थापाको निधन भएको छ । लामो समयदेखि कोरोना सक्रंमणबाट विरामी भई मेडिसिटी अस्पतालमा उपचाररत रहनु भएका थापाको निधन भएकाे मेडिसिटी अस्पतालका सञ्चार अधिकृत मोनिता पोखरेले बताउनुभयो । उहाँले  थापाकाे आज दिउँसो  ४ः२५ मिनेटमा निधन  भएकाे जानकारी दिनुभयो । 

महन्थ ठाकुर पक्षद्वारा उपेन्द्र यादवलाई जसपा पार्टीबाट निष्कासन

जनता समाजवादी पार्टीका अध्यक्ष महन्थ ठाकुर पक्षले अर्का अध्यक्ष उपेन्द्र यादवलाई पार्टीबाट निष्कासन गरेको छ । मंगलबार बबरमहलमा बसेको अध्क्षय ठाकुर पक्षको बैठकले अर्का अध्यक्ष यादवलाई कारबाही गरेको केन्द्रीय सदस्य सन्तोष मेहताले जानकारी दिनुभयो ।

भग्नावशेषमा परिणत नेपालको पहिलो दुग्ध चिस्यान केन्द्र

नेपालमा विश्व दुग्ध दिवस मनाउन सुरु भएको मङ्गलबार एक दशक पुरा भएको छ । नेपालमा वि.सं. २०६८ साल जेठ १८ गतेदेखि विश्व दुग्ध दिवस मनाउन सुरु गरिएको हो । दुग्ध दिवस मनाउन सुरु गरेको एक दशक भएता पनि नेपाल कै पहिलो दुग्ध चिस्यान केन्द्र भग्नावशेषमा परिणत भएको छ भने पहिलो दुग्ध चिस्यान केन्द्र ओझेलमा परेको छ भने अहिलेसम्म यसको कुनै प्रचारप्रसार समेत हुन सकेको छैन ।

बिहीबारबाट टर्किस् एयरलाइन्सले सातामा एक दिन उडान शुरु गर्ने

केही देशमा अन्तराष्ट्रिय उडान खुल्ला गर्ने सरकारको निर्णयसँगै टर्किस् एरसलाइन्सले बिहीबारदेखि नेपालमा उडान शुरु गर्ने भएको छ । टर्की, कतार र चीनमा उडान खुल्ला गर्ने निर्णयसँगै टर्किस एअरलाइन्सले बिहीबारदेखि सातामा एउटा उडान गर्ने अनुमती दिईएको नागरिक उड्यन प्राधिकरणका महाप्रवन्धक राजन पोख्रेलले जानकारी दिनुभयो ।