तम्घास, चैत १० गते। बुधबार खोलामा पौडी खेल्ने क्रममा बेपत्ता भएका युवाको शव फेला परेको छ। जिल्लाको रुरुक्षेत्र गाउँपालिका वडा नम्बर ५ का २३ वर्षीय किरण गिरी बडीगाड खोलामा पौडी खेल्ने क्रममा डुबेर बेपत्ता भएका गिरीकोे शव बिहीबार दिउँसो फेला परेको जिल्ला प्रहरी कार्यालय गुल्मीले जनाएको छ।
गिरीको शव छत्रकोट गाउँपालिका–५ को उल्लीखोला पुलदेखि करिब ५० मिटर पूर्वतर्फ बालुवाको बीचमा फेला परेको जिल्ला प्रहरी कार्यालय गुल्मीका प्रहरी नायब उपरीक्षक माधव खरालले जानकारी दिनुभयो।
गिरीको शवलाई घटनास्थलको मुचुल्का तयार पश्चात् जोहाङ प्राथमिक स्वास्थ्य केन्द्रमा पोष्टमार्टम गरेर आफन्तको जिम्मा लगाउने तयारी भइरहेको प्रहरीले जनाएको छ।
