शनिबार रेल उद्घाटन, आइतबारबाट नियमित सञ्चालन

धनुषाको कुर्थादेखि भारतको जयनगरसम्म नियमित रुपमा रेल सेवा सञ्चालनका लागि सबै तयारी पूरा भएको छ । प्रधानमन्त्री शेरबहादुर देउवा र भारतका प्रधानमन्त्री नरेन्द्र मोदीले शनिबार नयाँ दिल्लीबाट संयुक्त रुपमा ‘फ्लाग अफ’ गरी यसको उद्घाटन गर्ने कार्यक्रम छ । नेपालमा रेल सेवा सञ्चालनका लागि गत २०७७ असोज २ गते भारतबाट ८४ करोड ६५ लाखमा दुई सेट रेल खरिद गरिएको थियो । खरिद गरिएको डेढवर्षपछि रेल सेवा सञ्चालन हुन लागेको हो ।

स्थानीय तहमा एमालेको जित सुनिश्चित : उपाध्यक्ष पौडेल

ललितपुर महानगरपालिका १८ बाट ठूलो सङ्ख्यामा नेता कार्यकर्ता नेकपा (एमाले) मा प्रवेश गरेका छन् । २०४६ सालको जनआन्दोलनपछि पाटन मुक्त क्षेत्र घोषणा भएको दिन आज शुक्रबार नेता कार्यकर्ता पार्टी प्रवेश गरेका हुन । नवप्रवेशीलाई एमाले उपाध्यक्ष विष्णु पौडेल, पोलिटब्युरो सदस्य एवं ललितपुर जिल्ला इन्चार्ज शुशिला नेपाल लगायतले खादा लगाएर पार्टी प्रवेश गराउनुभयो ।

स्थानीय निर्वाचनमा सत्ता साझेदार दलका बीचमा सहमति हुन्छ : मन्त्री आले

संस्कृति, पर्यटन तथा नागरिक उड्डयनमन्त्री प्रेमबहादुर आले आगामी स्थानीय तहको निर्वाचनमा सत्ता साझेदार दलहरुबीच सहमति कायम गरी अगाडि बढ्ने निर्णय भएको जानकारी दिनुभयो । विराटनगर विमानस्थलमा आज सञ्चारकर्मीसँग कुरा गर्दै उहाँले जिल्ला तहमा जिल्ला कार्यदल निर्माण गरी प्रमुख, उपप्रमुख, वडाध्यक्ष, सदस्य आपसी सहमतिबाट निर्णय हुने बताउनुभयो ।

पत्रकारको अभियानमा जोडिन पाउँदा खुसी छु : पूर्वमन्त्री ज्ञवाली

नेकपा (एमाले) उपमहासचिव तथा पूर्वमन्त्री प्रदीपकुमार ज्ञवालीले पत्रकारको अभियानमा जोडिन पाउँदा खुसी लागेको बताउनुभएको छ । नेपाल पत्रकार महासङ्घ गुल्मीले चलाएको अक्सिजन प्लान्ट सञ्चालनको अभियानमा तत्कालीन परराष्ट्रमन्त्री रहँदा नेपाल सरकारको तर्फबाट एक करोड रुपियाँ विनीयोजन गरेर अयिानमा जोडिन पाउँदा खुसी लागेको बताउनुभएको हो ।

गोरखापत्र संस्थानको महाप्रबन्धकमा ऐरी

गोरखापत्र संस्थानको महाप्रबन्धकमा लालबहादुर ऐरी नियुक्त हुनुभएको छ । नेपाल सरकार मन्त्रिपरिषद्को बिहीबार बसेको बैठकले डडेल्धुरा जिल्लाको अमरगढी नगरपालिका–७ निवासी पत्रकार ऐरीलाई संस्थानको महाप्रबन्धकमा नियुक्त गरेको हो । सञ्चार तथा सूचना प्रविधि मन्त्रालयले फागुन २७ गते संस्थानको महाप्रबन्धक पदका लागि दरखास्त आह्वान गरेको थियो । सहभागी १० जना प्रतिस्पर्धीबाट सरकारले उहाँलाई सिफारिस गरेको हो ।