म्यादी भर्नाको नाममा ठगी गर्ने पक्राउ

म्यादी प्रहरीमा भर्ना गराइदिन्छु भन्दै विभिन्न व्यक्तिसँग रकम उठाउने एक युवकलाई सर्लाही प्रहरीले पक्राउ गरेको छ। चन्द्रनगर गाउँपालिका–७, का ३१ वर्षीय दीपेन्द्र चौधरीलाई प्रहरीले ठगीको आरोपमा पक्राउ गरेको हो। मलङ्गवा पुगेर चौधरीले विभिन्न व्यक्तिसँग म्यादीमा भर्ना गराइदिने भन्दै पाँचदेखि सात हजार रुपियाँसम्म उठाइरहेको अवस्थामा प्रहरीले पक्राउ गरेको हो।

विराटनगरमा डेरा बसेकै घरमा डाक्टरको शव भेटियो

विराटनगर स्थित नोबेल मेडिकल कलेजको शिक्षण अस्पतालमा कार्यरत डाक्टर विजय यादवको शव फेला परेको छ। विराटनगर–४ अस्पताल नजिकै डेरा बस्ने डा. यादवको शव आँगनमा भेटिएको हो। सप्तरीको राजविराज घर भएर विराटनगरमा बस्दै आउनुभएका २८ वर्षीय डा. विजय यादवको अन्यत्रै हत्या गरेर आँगनमा लगेर छोडिदिएको आशंका गरिएको छ। यद्यपि प्रहरीले घटनाको अनुसन्धान अगाडि बढाएको र अहिलेसम्म घटनाको बारेमा प्रहरीले धारणा सार्वजनिक गरेको छैन।

३५ स्थानमा नेपाल बारको मतदान जारी, परिणाम आउन एकसाता लाग्ने

नेपाल वार एसोसिएसनको नयाँ नेतृत्व चयनका लागि देशभरका ३५ वटा मतदान केन्द्रबाट मतदान प्रकृया शुरु भएको छ । बार एसोसिएसनको २६ औं अधिवेशनबाट नयाँ केन्द्रीय समितिको निर्वाचनका लागि विहानैदेखि निर्वाचन शुरु गरिएको निर्वाचन अधिकृत सानुभाई शाक्यले जानकारी दिनुभयो ।

द्विपक्षीय संयन्त्रमार्फत सीमा समस्या समाधान गर्न प्रम देउवाको आग्रह

तीनदिने भारत भ्रमणमा रहनुभएको प्रधानमन्त्री शेरबहादुर देउवाले सीमा समस्या द्विपक्षीय संयन्त्रमार्फत समाधान गर्न आग्रह गरेको बताउनुभएको छ । शनिबार नयाँदिल्लीस्थित हैदराबाद हाउसमा आयोजित पत्रकार सम्मेलनलाई सम्बोधन गर्नुहुँदै प्रधानमन्त्री देउवाले नेपाल–भारतबीचको सीमा विवाद विषयलाई द्विपक्षीय संयन्त्रमार्फत समाधान गर्न आफूले समकक्षी नरेन्द्र मोदीसँग छलफल गरेको बताउनुभएको हो । ‘हामीले सीमा विषयका बारेमा...

प्रधानमन्त्री देउवा र मोदीद्वारा संयुक्त रुपमा रेल सेवा उद्घाटन

प्रधानमन्त्री शेरबहादुर देउवा र भारतीय समकक्षी नरेन्द्र मोदीले हरियो झण्डा देखाएर जयनगर कुर्था रेल उद्घाटन गर्नुभएको छ । शनिबार नयाँदिल्लीस्थित हैदराबाद हाउसमा प्रधानमन्त्री देउवा र भारतीय प्रधानमन्त्री मोदीले नेपाली रेलको भर्चुअल उद्घाटन गर्नुभएको हो । उद्घाटनपछि आइतबारबाट रेल नियमित चल्ने भएको छ ।