बलेफीमा बर्डफ्लु देखिएपछि कुखुरा फर्म शिल

सिन्धुपाल्चोकको बलेफी गाउँपालिका –८ मा रहेको शिव चालिसेको कुखुरा फर्ममा बर्डफ्लु पुष्टि भएपछि शिल गरिएको छ । सो फर्ममा धमाधम कुखुरा मर्न थालेपछि परीक्षणका लागि काठमाडौंको त्रिपुरेश्वरस्थित केन्द्रीय पशुपन्छी रोग अन्वेषण प्रयोगशाला पठाइएको थियो ।

लाङटाङ र गोसाइँकुण्ड पदमार्गमा आउन थाले पर्यटक

कोरोनाभाइरस सङ्क्रमणको जोखिमका कारण सुनसान रहेको लाङटाङ र गोसाइँकुण्ड पदमार्गमा छिटफुट विदेशी पर्यटक देखिन थालेका छन् । कोरोना सङ्क्रमणको जोखिम कम हुँदै गएको र यस क्षेत्रमा हुने अत्यधिक चिसोपनमा कमी आएसँगै लाङटाङ र गोसाइँकुण्ड पदमार्गमा आन्तरिक एवं बाह्य पर्यटक आउन थालेका हुन् ।

सेनाको तीनदिने बृहद् प्रदर्शनी सुरु

नेपाली सेनाले सैनिक मुख्यालय जङ्गी अड्डा परिसरमा इतिहासदेखि वर्तमानसम्मका सैनिकसम्बन्धी विविध सामग्री तथा गतिविधि समेटेर तीनदिने बृहद् प्रदर्शनी आयोजना गरेको छ । प्रदर्शनीमा नेपालका सेना नायक लगायतका तस्बिर, सैनिक ब्यान्ड, हातहतियार, उपकरण, पोसाक, खेलकुद तथा पर्वतारोहण एवम् विकास निर्माणमा सहभागितासम्बन्धी विषयवस्तु समेटिएको छ ।

बन्चरो प्रहार गरी श्रीमती हत्या गर्ने पक्राउ

बन्चरो प्रहार गरी श्रीमती हत्या गर्ने बलेफी गाउँपालिका–१ का पैरे ठाँटीकुनाका बेलबहादुर तामाङलाई प्रहरीले पक्राउ गरेको छ । सर्लाही हरिवन नगरपालिका–४ माइती भएकी लक्ष्मी बस्नेत तामाङलाई बेल बहादुरले घरायसी विवादमा बन्चरो प्रहार गरी हत्या गरेको जिल्ला प्रहरी कार्यालयका सूचना अधिकारी दक्षकुमार बस्नेतले जानकारी दिनुभएको छ ।

मेलम्चीको दुर्गम गाउँमा एक घर एक धारा

मेलम्ची नगरपालिका–११ धौले पैंयुखर्क गाउँमा एक घर एक धारा निमार्ण भएको छ । मेलम्ची नगरपालिका र सेवक नेपालको साझेदारीमा सो गाउँमा २६ वटा धारा निमार्ण गरी स्वच्छ पानी आउन थालेको छ ।