अवरुद्ध भएको अरनिको राजमार्ग खुल्यो

सवारीको ठक्करबाट युवाको मृत्यु भएको विषयलाई लिएर स्थानीयले अवरुद्ध गरेको अरनिको राजमार्ग खुलेको छ । ठक्कर दिने टिपरको पहिचान गरेपछि बिहीबार बिहान ११ बजेदेखि अवरुद्ध सडक दिउँसो ३ बजेबाट खुलेको हो । बुधबार राति सवारीसाधनको ठक्करबाट बनेपा १४ का ३२ बर्षीय विशाल तामाङको मृत्यु भएपछि आक्रोशित स्थानीय र आफन्तले काभ्रे र भक्तपुरको सीमा–नाका साँगामा अवरोध गरेका थिए ।

व्यासको सिनामा गाडी पुग्दा स्थानीय खुशी

दार्चुलाको व्यास गाउँपालिका –३ सिनामा पहिलो पटक जीप पुगेपछि स्थानीय खुशी भएका छन् । दार्चुला सदरमुकाम खलङ्गाबाट दुर्गमको स्थानीय तह व्यासको वडा ३ कार्यालयमा गाडी पुगेपछि स्थानीय खुसी हुँदै चालक र जनप्रतिनिधि लगायत सरोकारवालालाई सम्मान र स्वागत गरेको वडाअध्यक्ष उपेन्द्रसिंह धामीले जानकारी दिनुभयो ।

आहारा खोजीमा वन्यजन्तु मानव बस्ती प्रवेश गर्दै

आहाराको खोजीमा जङ्गली जनावरहरु मानव बस्ती र किसानको खेतबारीमा आउनेक्रम बढेको छ । आहारा खोज्दै मानव बस्तीमा छिर्ने हरिण, बँदेल, निलगाइ लगायतका जङ्गली जनावरको शिकार समेत बढेको स्थानीयवासीले बताएका छन् ।

हराउन थाले ऊनका कपडा

तमानखोला गाउँपालिका–३ की छलिमाया बुढाथोकी ऊनका कपडा बनाउन सिपालु हुनुहुन्छ । ऊनका कपडा बनाउन ६६ वर्षीया बुढाथोकीले कलिलै उमेरमा सीप सिक्नुभएको हो । बजारका कपडाको प्रचलन नरहेका समयमा उहाँको परिवारले भेडाको ऊन निकाल्ने, त्यसबाट धागो कात्ने र कपडा बनाउने काम गर्ने गर्नुहुन्थ्यो ।

बर्डफ्लु देखिएपछि पाँच हजार कुखुरा मारिए

बर्डफ्लु भएको पुष्टी भएपछि भरतपुरको गौरिगञ्जमा रहेको एउटा फर्मको हाँस कुखुरा सवै नष्ट गरिएको छ । भरतपुर महानगरपालिका ८ गौरीगञ्जमा रहेको महतो पोल्ट्री इन्डस्ट्रिज प्रालिमा संक्रमण फैलिएपछि त्यहाँ भएका पाँच हजारभन्दा धेरै कुखुरा नष्ट गरिएका हुन् । केही दिन अघिदेखि कुखुरा मर्न थालेपछि नमूना परीक्षण गरिएको थियो ।