वैदेशिक रोजगारीका क्रममा मृत्यु भएका परिवारलाई आर्थिक सहयोग

मधेसी एकता समाजले वैदेशिक रोजगारीको क्रममा मृत्यु भएका परिवारलाई एक लाख ५० हजार रुपियाँ आर्थिक सहयोग प्रदान गरेको छ । नेपाली संयुक्त अरब इमिरेट्समा मृत्यु भएका धनुषाको सबैला नगरपालिका १२, रघुनाथपुरस्थित मृतक योगेन्द्र भेडिहरको परिवारलाई समाजको नेपाल इकाईकी अध्यक्ष डा. बबीसिंह यादवले बुधबार आर्थिक सहयोग हस्तान्तरण गर्नुभयो ।

उखुबारीमा जङ्गली हात्ती मृत फेला

मोहना–लालझाडी कोरीडोरको अमरैया क्षेत्रमा जङ्गली हात्ती मृत फेला परेको छ । कञ्चनपुरको पुनर्वास नगरपालिका –२ मा पर्ने सो गाउँमा बुधबार जङ्गली हात्ती मृत फेला परेको हो । जङ्गली हात्ती प्राकृतिक कारणले मरेको हुनसक्ने वनकर्मीको अनुमान छ । हात्ती बिरामी भएर मरेको हुनसक्ने कुण्डा सवडिभिजन वन कार्यालय पचकडियाका प्रमुख दिनेश यादवले जानकारी दिनुभयो । उहाँकाअनुसार जङ्गली हात्ती मृत फेला परेपछि वन कर्मचारी र नेपाल प्रहरीको...

शैलुङडाँडामा शैलुङ साहित्यिक महोत्सव २०७८ हुने

आगामी साताको शुक्रबार दोलखाको शैलुङडाँडामा शैलुङ साहित्यिक महोत्सव २०७८ हुनेभएको छ । शैलुङ गाउँपालिकाले पर्यटकीयस्थल शैलुङडाँडाको प्रचारप्रसार एवम जिल्लामा साहित्यिक प्रवद्र्धनका लागि फागुन २० गते शुक्रबार महोत्सव गर्न लागेको गाउँपालिका अध्यक्ष भरत दुलालले जानकारी दिनुभयो ।

मोटरसाईकल ठक्करबाट पैदलयात्रीको मृत्यु

मेचीनगर–७ स्थित पूर्व–पश्चिम राजमार्गमा मोटरसाइकलको ठक्करबाट पैदलयात्री एक जनाको मृत्यु भएको छ । एक जना घाइते भएका छन् । मंगलबार राति ८ वजे पश्चिमदेखि पूर्व जाँदैगरेको मे. १० प २२३२ नम्बरको मोटरसाइकलले पैदलयात्री मेचीनगर –८ का १९ बर्षीय श्याम मगर र १७ बर्षीय बलबहादुर मगरलाई ठक्कर दिएर घाइते बनाएको थियो ।

सिकाई केन्द्रका रुपमा स्थापित हुँदै वालिङको सरसफाई केन्द्र

वालिङ नगरपालिकाले सञ्चालनमा ल्याएको सरसफाई केन्द्र अहिले सिकाई केन्द्रको रुपमा स्थापित हुँदैगएको छ । स्मार्ट सिटीको अवधारणाअनुरुप अगाडि बढ्दैगरेको वालिङ नगरपालिकाले फोहोरमैलाको उचित ब्यवस्थापन गरेर आम्दानीको स्रोतमा रुपान्तरण गरेको छ ।