प्रदेश सरकार नै संघीयताको पहिलो आधार : प्रदेश प्रमुख गुरुङ

गण्डक्री प्रदेशका प्रदेश प्रमुख पृथ्वीमान गुरुङले प्रदेश सरकार नै संघियताको पहिलो आधार भएको वताउनुभएको छ । गण्डक्री प्रदेश सरकार स्थापनाको चौथो वार्षिकोत्सवका अवसरमा आयोजित कार्यक्रममा उहाँले सो कुरा बताउनुभयो । संघीयताको संस्थागत बिकासका लागि प्रदेश स्थानिय तहको जग बलियो हुनुपर्ने उहाँको भनाई छ ।

बालमैत्री गाउँपालिका घोषणा हुँदै कालिञ्चोक

कालिञ्चोक गाउँपालिकाले बालबालिकाको अधिकारलाई मध्यनजर गरी पालिकालाई बालमैत्री बनाई घोषणा गर्ने तयारी गरेको छ । गाउँपालिकालाई बालमैत्री घोषणा गर्नेगरी तयारी तीब्र पारिएको पालिकाका उपाध्यक्ष कालिका पाठकले बताउनुभयो ।

यातायात व्यवस्था सेवा कार्यालय कपिलवस्तुमा

कपिलवस्तुको सदरमुकाम तौलिहवामा एक कार्यक्रमका बीच यातायात व्यवस्था सेवा कार्यालयको उद्घाटन गरिएको छ । सेवा कार्यालयको उद्घाटन लुम्बिनी प्रदेशका भौतिक पूर्वधार विकास मन्त्री सहसराम यादव र श्रम, रोजगार तथा यातायात व्यवस्था मन्त्री पुर्मती ढेगामगरले संयूक्त रुपमा गर्नुभएको हो ।

विप्लब समूहका २१ जना कार्यकर्ता पक्राउ

एमसीसी विरोधमा पूर्व–पश्चिम राजमार्ग बन्द गराउँदै हिडेका का नेत्रविक्रम चन्द विप्लब’ समूहका २१ जना कार्यकर्तालाई इलाका प्रहरी कार्यालय ढल्केवर धनुषाले पक्राउ गरेको छ ।

टिपरसहित स्काभेटर नियन्त्रणमा

कमला खोलामा अबैध रुपमा बालुवा तथा गिट्टी उत्खनन् गरिरहेको आधा दर्जन टिपरसहित स्काइभेटर धनुषा प्रहरीले नियन्त्रणमा लिएको छ । प्रहरीले एक स्काइभेटर र सात टिपर नियन्त्रणमा लिएको धनुषा प्रहरी प्रवक्ता प्रहरी नायव उपरीक्षक जितेन्द्रकुमार बस्नेतले जानकारी दिनुभयो ।