एकीकृत समाजवादीका जिल्ला सचिवसहित नेताहरु एमालेमा प्रवेश

नेपाल कम्युनिष्ट पार्टी (एकीकृत समाजवादी) का जिल्ला कमिटी सचिवसहित ११ जना नेकपा (एमाले) मा प्रबेश गरेका छन् । एमाले कपिलबस्तुले बाणगंगामा आयोजना गरेको दोस्रो पूर्ण बैठकमा नेकपा (एस) का जिल्ला सचिव सर्बेन्द्र खनालसहित ७ जना नेता कार्यकर्ता एमालेमा प्रवेश गरेको एमाले कपिलवस्तुले जनाएको छ ।

सुन्तलामा सिट्रस ग्रिनिङ्ग रोग, किसान चिन्तित्

सुन्तलाका बोट पहेंलो हुँदै सुक्न थालेपछि सिट्रस ग्रिनिङ रोग लागेको जानकारी गराइएको छ । थोरै लगानीमा गर्न सकिने सजिलो खेती र राम्रो आम्दानी हुने भएकाले यहाँका किसानले अन्नबाली लगाउन छाडेर सुन्तला खेती गर्दैआएको भए पनि सुन्तलामा रोग देखिएपछि किसान चिन्तित भएका छन् ।

किसानलाई हाते ट्याक्टर वितरण

लमजुङको क्व्होलासोंथर गाउँपालिकाका किसानलाई हाते ट्याक्टर वितरण गरिएको छ । गाउँपालिकाले कृषिमा यन्त्रीकरण गरी लागत घटाउने र उत्पादन बढाउन किसानलाई हाते ट्याक्टर प्रदान गरेको बताएको छ ।

झुलुङ्गे पुल र थारु कल्याणकारी सभा भवनको शिलान्यास

कपिलबस्तुको विजयनगर गाँउपालिकामा एकैसाथ झुलुङ्गे पुल र थारु काल्याणकारी सभा (थाकस) भवनको शिलान्यास गरिएको छ । गाँउपालिकाको नौडिहवा–गोबरहवा जोड्ने विशवा खोलामा झोलुङ्गे पुल र गाउँपालिकाको वडा १ नेवलागञ्जमा थाकस भवनको शिलान्यास गरिएको हो ।

तमोर नदीमा अस्थायी मोटरेवल पुल निर्माण

ताप्लेजुङको फक्ताङलुङ गाउँपालिकाले तमोर नदीमा काठको मोटरेवल पुल निर्माण गरेको छ । हिउँदयाममा गाउँसम्म यातायात सुविधा पु¥याउने उद्देश्यले गाउँपालिकाले तमोर नदीको विभिन्न ठाउँमा काठको अस्थायी मोटरेवल पुल निर्माण गरेको हो ।