पाडी र बाच्छी हुर्काउन कृषकलाई अनुदान सहयोग

भेटेनरी अस्पताल तथा पशु सेवा विज्ञ केन्द्र तनहुँले उन्नत जातको पाडी र बाच्छी हुर्काउन कृषकलाई अनुदानको व्यवस्था गरेको छ । उन्नत जातको भैंसी तथा गाई भारतबाट आयात गर्नुपर्ने बाध्यता न्यूनीकरणका लागि कृषकलाई प्रोत्साहन स्वरुप अनदानको व्यवस्था गरिएको केन्द्रले जनाएको छ ।

सुदूरपश्चिम प्रदेश लोकसेवा आयोगले विज्ञापन खोल्ने

सुदूरपश्चिम प्रदेश सरकारले प्रदेश लोक सेवा आयोगले कर्मचारी भर्नाको विज्ञापन खोल्ने निर्णय गरेको छ । बिहीबार बसेको मन्त्रिपरिषद् बैठकले कर्मचारी भर्नाका लागि विज्ञापन खोल्ने निर्णय गरेको हो । आयोगले निर्वाचन अगावै विज्ञापन प्रकाशित गर्ने जनाएको छ ।

चोरीको मोटरसाईकल नियन्त्रण गर्न विशेष अभियान

कपिलबस्तुमा विभिन्न स्थानहरुमा पार्किङ गरी राखेका मोटरसाईकल चोरी बढ्न थालेपछि चोरी नियन्त्रण गर्न प्रहरीले विशेष अभियान सञ्चालन गरेको छ । जिल्ला प्रहरी कार्यालय कपिलबस्तुले सो अभियान सञ्चालन गरेको जानकारी गराएको छ ।

५० प्रतिशत अनुदानमा किसानलाई स्प्रे ट्याङकी

जिल्ला कृषि ज्ञान केन्द्र पर्साले जिल्लाको पर्सागढी नगरपालिका ३ झुलीटारमा रहेको सुनखरी कृषि सहकारी संस्थामा संगठित एक सय जना किसानलाई ५० प्रतिशत अनुदानमा स्प्रे ट्याङ्की वितरण गरेको छ ।

भारतीय अवैध च्याउ आयातमा रोक लगाउन माग

च्याउ उत्पादक किसान संघ नेपालले भारतबाट अवैध रुपमा आउने च्याउ आयातमा रोक लगाउन माग गरेको छ । पछिल्लो समय भारतबाट विषादीयुक्त च्याउ अवैधरुपमा नेपाली बजारमा आइरहेको भन्दै संघले रोक्न माग गरेको हो ।