पेस्तोल र गोलीसहित लागुऔषध बरामद   

सशस्त्र प्रहरीले छिन्नमस्ता गाउँपालिका–३ गोबिन्दपुरबाट एक थान कटुवा पेस्तोल, दुई राउण्ड गोली र लागुऔषध फेला पारेको छ । बेबारिसे अबस्थामा फेला परेको हतियार र लागुऔषध आज आवश्यक कारबाहीका लागि जिल्ला प्रहरी कार्यालयमा बुझाइएको सशस्त्र प्रहरी गण नम्बर ६ का सशस्त्र प्रहरी उपरिक्षक उद्धब न्यौपानेले बताउनुभयो ।    

हिमपातबाट उद्धार गरेकी सुत्केरीका आफन्त भेटिए

सुत्केरी व्यथा लागेर हिउँमाथि अलपत्र परेरकी महिलालाई प्रहरीले उद्धार गरेर सुत्केरी भएको दोस्रो दिन आफन्त भेटिएका छन् । हिउँमाथि सुत्केरी व्यथाले छट्पटाउँदै गरेकी महिलालाई अलपत्र छाडेर श्रीमान सम्पर्क विहीन भएपछि सुत्केरीको बैतडी प्रहरीले उद्धार गरेको थियो ।

भाडाको कोठाभन्दा सस्तो लज !

सवारी चालक इन्द्र श्रेष्ठको यहाँ न घर छ, न त डेरा तर उहाँको बसाइ र सुताइ आरामदायी नै छ । श्रेष्ठका अनुसार उहाँको बसाइ भोटेबहालको लजमै हो । डेरा लिँदा महिनामा १० हजार रुपियाँ तिर्नुपर्छ तर लजमा सुत्दा प्रतिरात १५० रुपियाँ तिरे पुग्छ । खाना पनि लजमै सस्तोमा पाइन्छ । नुहाउन पानी पाइन्छ । शौचालय व्यवस्थित मिल्छ ।

नेपाल फोटो कन्टेस्ट २०७६ घोषणा

फोटो जर्नालिष्ट क्लव नेपालले ‘नेपाल फोटो कन्टेस्ट २०७६’ घोषणा गरेको छ । प्रतियोगितामा नेपालीले खिचेको र नेपालभित्रका तस्वीर माघ १७ गतेसम्म पठाउन सकिने व्यवस्था गरिएको छ । सन् २०१८ मा आयोजित नेपाल फोटो कन्टेस्टमा सहभागी तस्वीरहरुको संगालो नेपाल (ल्याण्ड अफ कन्ट्रास्ट) को सार्वजनिक कार्यक्रममा नेपाल फाटो कन्टेस्ट २०७६ घोषणा गरिएको हो ।

महिनामा १२० वटासम्म मोटरसाइकल चोरिन्छन्

सवारी धनी तथा चालककोे सामान्य लापरवाहीका कारण मोटरसाइकल चोरीका घटना अपत्यारिलो ढंगले बढेको छ । काठमाडौंँ उपत्यकामा प्रत्येक महिना एकसयदेखि एकसय २० वटासम्म मोटरसाइकल चोरी हुने गरेको छ ।