बलात्कार गरेको कसुरमा १० वर्ष कैद

एक १९ वर्षीया किशोरीलाई बलात्कार गरेको कसुरमा जिल्ला अदालत स्याङ्जाले भिरकोट नगरपालिका–२ बस्ने ४५ वर्षीय फत्ते भन्ने रहमद अलिमियाँलाई बुधबार १० वर्ष कैद सजायका साथै पीडित किशोरीलाई रु ३० हजार क्षतिपूर्तिसमेत भराउने फैसला गरेको छ । न्यायाधीश रमानाथ पौड्यालको इजलासले कैद सजायको फैसला गरेको स्रेस्तेदार नन्दप्रसाद अचार्यले जानकारी दिनुभयो ।

रोजगार विभाग क्षतिपूर्ति भराउन सफल , एक महिनामा सवा दुई करोड रूपियाँ पीडितलाई

वैदेशिक रोजगार विभागले पछिल्लो एक महिनामा दुई करोड १४ लाख रुपियाँ बराबरको रकम पीडितलाई क्षतिपूर्ति भराउन सफल भएको छ । विभागले पछिल्लो महिना भदौमा मात्रै पीडितलाई त्यो बराबरको क्षतिपूर्तिबापतको रकम भराउन सफल भएको हो । जबकी आर्थिक वर्ष २०७५/७६ मा म्यानपावर विरुद्धका ४२९ मुद्दामा विभागले पीडितलाई नौ करोड ५९ लाख रुपियाँ क्षतिपूर्ति भराएको थियो ।

बस दुर्घटना हुँदा २३ जना घाइते

 सिन्धुलीमा आज बस दुर्घटना हुँदा २३ जना घाइते भएका छन् । यहाँको मरिण गाउँपालिकाबाट काठमाडौँतर्फ जाँदै गरेको यात्रुबाहक बस दुर्घटना हुँदा २३ जना घाइते भएका हुन् ।

पहिरोका कारण कर्णाली राजमार्ग अवरुद्ध

मंगलवार रातिदेखि परेको अविरल वर्षाका कारण पहिरो जाँदा कर्णाली राजमार्ग अवरुद्ध भएको छ । दैलेखको गुराँस गाउँपालिका र सुर्खेत सिमनामा पर्ने सेतेभिरमा पहिरो जाँदा कर्णाली राजमार्ग अवरुद्ध हुँदा सवारी साधन बीच बाटोमै रोकिएको जिल्ला प्रहरी कार्यालय दैलेखले जनाएको छ ।

अक्कर जीप दुर्घटनाः बेपत्ताहरुको नामावली सार्वजनिक

गएराति सङ्खुवासभाको अक्कर भिरमा भएको जीप दुर्घटनामा परी बेपत्ता भएकाहरुको नामावली सार्वजनिक भएको छ । दुर्घटनामा परि बेपत्ता भएकाहरुको नामावली जिल्ला प्रहरी कार्यालयले प्रमाणित गरेको हो ।