एक सातासम्म डा. केसी हुम्लामा : तीन सयको उपचार

प्रा.डा. गोविन्द केसीले हुम्लामा तीन सय बढी सर्वसाधारणको स्वास्थ्य परीक्षण गर्नुभएको छ। बिरामीको निःशुल्क उपचार गर्दै हुम्ला आइपुग्नुभएका केसीले एक सातामा हुम्ला अस्पतालमै बसेर बिरामीको स्वास्थ्य परीक्षण गर्नुभएको हो। स्वास्थ्य सेवा कार्यालयका प्रमुख प्रेमबहादुर सिहंका अनुसार सेवा भावले बिरामीको निःशुल्क उपचार गर्न हुम्ला आउनुभएका डा. केसीले एक सातामा तीन सय बढीको उपचार गर्नुभएको हो।

बसाइँसराइले रित्तिदै गाउँघर : झाडी भए आङ्गन र पिँढी

ढुङ्गाले छाएका घर । सल्लाका काठले बारेर चिटिक्कै पारिएका बार्दली (कौसी) । फराकिला आङ्गन र कठवार लगाइएका पिँढी । घर नजिकै पानीको धारा, वरिपरी खेतबारी । उत्तरतर्फ आँखा लगाउँदा आखैँमा ठोक्किन आउँछन् की जस्ता देखिने हिमशृङ्खला । चारैतिर हरियाली । अजिङ्गरको भीर छिचोलेर गाउँमै पुगेको सडक र आवतजावत गरिरहने मोटरगाडी । यो शब्दचित्र म्याग्दीको रघुगङ्गा गाउँपालिका–४ दर्मिजा गाउँको हो ।

हावाहुरीसहित वर्षाको सम्भावना

पश्चिमी न्यून चापीय प्रणालीको प्रभावले देशको अधिकांश भूभागमा आंशिकदेखि सामान्य बदली रही केही स्थानमा वर्षा र हावाहुरीकोसमेत सम्भावना रहेको छ । जल तथा मौसम विज्ञान विभागले प्रदेश नं १, बागमती र गण्डकी प्रदेशका पहाडी भू–भागका केही स्थानमा मेघ गर्जनसहित/चट्याङ र क्षणिक वर्षा तथा हावाहुरीको सम्भावना रहेको हुनाले आवश्यक सतर्कता अपनाउन आग्रह गरिएको छ ।

धनुषामा गहुँ उत्पादनमा कमी आउने

धनुषा जिल्लामा यसपाली गहुँ उत्पादनमा कमी आउने देखिएको छ । गत माघमा आवश्यकताभन्दा बढी परेको हिउँदे वर्षासँगै रासायनिक मल अभावका कारण हिउँदे बालीको रूपमा लगाइने गहुँ उत्पादनमा यस वर्ष कमी आउने कृषि ज्ञान केन्द्र धनुषाका प्रमुख शङ्करप्रसाद साहले बताउनुभयो ।

सवारी दुर्घटनामा एकको मृत्यु

झापामा सोमबार राति भएको सवारी दुर्घटनामा परेर एक जनाको ज्यान गएको छ । झापाको बुद्धशान्ति गाँउपालिका वडा नं. २ पुलचोकमा भएको मोटरसाईकल दुर्घटनामा एक जनाको ज्यान गएको जिल्ला प्रहरी कार्यालय झापाले जनाएको छ ।