सामाजिक सुरक्षा भत्ता वितरण गर्न माग

सप्तरीको तिलाठी कोईलाडी गाँउपालिकामा सामाजिक सुरक्षा भत्ता वितरणमा ढिलाई भइरहेकोप्रति जनता प्रगतिशील पार्टी नेपालले आपत्ति जनाएको छ । सप्तरीको अधिकांश स्थानिय तहमा दुई किस्ताको रकम वितरण भइसकेको र तेस्रो किस्ताको रकम वितरणको तयारी भइरहँदा तिलाठी कोईलाडी गाउँपालिकामा हालसम्म एक किस्ता मात्र सामाजिक सुरक्षा भत्ता वितरण गरिएको सो दलको आरोप छ ।

भ्रष्टाचार र शुुसासन सँगसँगै जान सक्दैन : आयुक्त चन्द

अख्तियार दुरुपयोग अनुसन्धान आयोगका आयुक्त जयबहादुर चन्दले राष्ट्रमा भ्रष्टाचारको अन्त्य नभएसम्म शुसासन कायम हुन नसक्ने बताउनुभएको छ । मङ्गलबार यहाँ भएको भ्रष्टाचार नियन्त्रण र शुसासन प्रबद्र्धन सम्वन्धी अन्तरक्रिया कार्यक्रममा उहाँले सो कुरा बताउनुुुभयो ।

भीमेश्वर नगरपालिकामा तालाबन्दी

नेपाली काँग्रेस भीमेश्वर नगर समितिले भीमेश्वर नगरपालिकाको कार्यालयमा तालाबन्दी गरेको छ । नगरवासीले तिरेको करबाट विभिन्न शीर्षकमा आफू निकट कार्यकर्तालाई रकम वितरण गरेको भन्दै काँग्रेस नगर समितिले मङगलबार नगरपालिकाको कार्यालयमा तालाबन्दी गरेको हो ।

नेपाली साहित्य तथा संस्कृति प्रतिष्ठानद्वारा ६ जना स्रष्टा सम्मानित

नेपाली साहित्य तथा संस्कृति प्रतिष्ठान गोदावरी कैलालीले विभिन्न स्रष्टाहरुलाई सम्मानित गरेको छ । सो संस्थाले मंगलबार नेपाल प्रज्ञा प्रतिष्ठान कमलादीमा आयोजित पुरस्कार समर्पण कार्यक्रममा ६ जना स्रष्टाहरुलाई सम्मानित गरेको हो ।

सप्तरीमा चार लाख १२ हजार भन्दा बढी मतदाता कायम

आउँदो वैशाख ३० गते हुने स्थानिय तहको निर्वाचनका लागि सप्तरीमा ४ लाख १२ हजारभन्दा बढी मतदाता कायम भएको छ । जिल्ला निर्वाचन कार्यालयका अनुसार सप्तरीमा ४ लाख १२ हजार ४ सय ४५ जना मतदाता कायम भएका छन् ।