दुर्घटनामा मोटरसाइकल चालकको मृत्यु

पृथ्वीराजमार्गमा पर्ने तनहुँको म्याग्दे गाउँपालिका –१ गुणादीमा ट्रक र मोटरसाईकल एक आफ्समा ठक्कर खाँदा मोटरसाइकल चालकको मृत्यु भएको छ । तनहुँको ऋषिङ गाउँपालिका –२ काहुँशिवपुर निवासी १९ बर्षीय तारन थापाको दुर्घटनामा परी बुधबार दिउँसो मृत्यु भएको जिल्ला प्रहरी कार्यालय तनहुँका प्रमुख राजेन्द्रबाबुर रेग्मीले जानकारी दिनुभयो ।

लमजुङमा महिला मतदाता बढी

आगामी वैशाख ३० गते हुने स्थानीय तहको निर्वाचनका लागि जिल्लामा एक लाख ३१ हजार ४९४ मतदाताले भोट हाल्ने भएका छन् । जिल्ला निर्वाचन कार्यालयका अनुसार तीमध्ये ६४ हजार ४१ पुरुष र ६७ हजार ४५३ महिला मतदाता रहेका छन् ।

गणपुरक संख्या नपुगेपछि प्रदेशसभा बैठक स्थगित

मधेस प्रदेशको प्रदेश सभा बैठक गणपुरक संख्या नपुगेपछि बिहिबारसम्मका लागि बैठक स्थगित भएको छ । बुधबारको वैठकमा सभामुख सरोज यादवले वैठकको काम कारवाही प्रारम्भ गर्नुभएपछि लोकतान्त्रिक समाजवादी पार्टी (लोसपा) का सचेतक परमेश्वर साह र नेकपा (एमाले) का सचेतक किशोरी साहले बैठकमा गणपुरक संख्या नपुगेको भनी सभामुख सरोजकुमार यादवको ध्यानकर्षण गराउनुभएको थियो ।

खानेपानी टंकी बनेको १२ वर्षसम्म उपभोक्ताको घरमा पानी पुगेन

पश्चिम नवलपरासी रामग्राम नगरपालिकाको बैरिहवामा खानेपानी टंकी निर्माण सम्पन्न भएको बाह्र वर्ष पुग्दा पनि उपभोक्ताको घरमा खानेपानी पुगेको छैन । खानेपानी तथा सरसफाई डिभिजन कार्यालय परासीले रामग्राम नगरपालिका ४ बैरिहवामा बनाएको खानेपानी टंकी निर्माण सम्पन्न भएपनि पानी घरमा लग्न नसकेको रामग्राम खानेपानी तथा उपभोक्ता संस्थाका अध्यक्ष रामकुण्डल यादवले बताउनुभयो । खानेपानी तथा सरसफाई डिविजन कार्यालय परासीले २०...

सुनसरीमा राष्ट्रिय कृषि गणना शुरु हुँदै

सुनसरीमा राष्ट्रिय कृषि गणना शुरु हुनेभएको छ । तयारी स्वरुप सरोकारवाला निकायसँग छलफल सुरु गरिएको जिल्ला तथ्याङ्क कार्यालय सुनसरीले अभिमुखीकरण कार्यक्रममार्फत जानकारी गराएको छ । गणना आगामी शनिबारबाट गरिने आयोजकले बताएको छ ।